பிரமாண்ட இயக்குனர் எஸ்.எஸ்.ராஜமெளலி இயக்கத்தில் உருவான 'பாகுபலி' மற்றும் 'பாகுபலி 2' ஆகிய திரைப்படங்களால் உலக அளவில் புகழ் பெற்ற நடிகர் பிரபாஸ் தற்போது நடித்து வரும் பிரமாண்டமான திரைப்படம் 'சாஹோ'. இந்த படத்தின் படப்பிடிப்பு கடந்த இரண்டு ஆண்டுகளாக நடைபெற்று வந்த நிலையில் சமீபத்தில் இந்த படத்தின் படப்பிடிப்பு முடிவடைந்து போஸ்ட் புரடொக்சன்ஸ் பணிகள் நடந்து வருகிறது.

இந்த நிலையில் இந்த படத்தின் ரிலீஸ் தேதி தற்போது அதிகாரபூர்வமாக அறிவிக்கப்பட்டுள்ளது. இந்த படத்தை தயாரித்து வரும் யூவி கிரியேஷன்ஸ் நிறுவனம் தனது சமூக வலைத்தள பக்கத்தில் 'சாஹோ' திரைப்படம் வரும் ஆகஸ்ட் 15ஆம் தேதி சுதந்திர தினத்தில் வெளியாகும் என்று அறிவித்துள்ளது.

பிரபாஸ், ஷராதா கபூர், நீல் நிதிஷ் குமார், அருண்விஜய், மந்த்ராபேடி, ஜாக்கி ஷெராப், டினு ஆனந்த், உள்பட பலர் நடித்துள்ள இந்த படத்தை சுஜித் இயக்கியுள்ளார். இந்த படத்திற்கு ஷங்கர் ஈஷான் லாய் என்பவர் இசையமைத்துள்ளார். இவர் ஏற்கனவே கமல்ஹாசனின் 'விஸ்வரூபம்' படத்திற்கு இசையமைத்தவர் என்பது குறிப்பிடத்தக்கது. ஆர்.மதி ஒளிப்பதிவில் உருவான இந்த படம் தமிழ், தெலுங்கு மற்றும் இந்தியில் சுமார் ரூ.300 கோடி பட்ஜெட்டில் உருவாகியுள்ளது.