రాజ‌మౌళికి, యంగ్ రెబ‌ల్ స్టార్‌కి మంచి అనుబంధం ఉంది. ఈ అనుబంధం బాహుబ‌లితో మ‌రింత బ‌లంగా మారింది. ఇప్పుడు రాజ‌మౌళి 'RRR' చిత్రీక‌ర‌ణ‌లో బిజీగా ఉన్నాడు.

యంగ్ టైగ‌ర్ ఎన్టీఆర్‌, మెగాప‌వ‌ర్ స్టార్ రాంచ‌ర‌ణ్ న‌టిస్తోన్న ఈ చిత్రంలో ఎన్టీఆర్ కొమ‌రం భీమ్‌గా.. రాంచ‌ర‌ణ్ అల్లూరి సీతారామ‌రాజుగా క‌నిపిస్తారు. ఈ ఇద్ద‌రి పాత్ర‌ల‌ను ప్ర‌భాస్ వాయిస్ ఓవ‌ర్‌తో చెప్పించ‌బోతున్నారు.

అంతే కాకుండా ఓ కీల‌క పాత్ర‌లో ప్ర‌భాస్ నటించ‌బోతున్నాడ‌ని వార్త‌లు విన‌ప‌డుతున్నాయి. ఇది నిజ‌మైతే తెలుగు సినిమా అభిమానుల‌కు పెద్ద ట్రీట్ అవుతుంద‌న‌డంలో సందేహం లేదు.

'RRR' ఇప్ప‌టికే రెండు షెడ్యూల్స్ చిత్రీక‌ర‌ణ పూర్తి చేసుకుంది. మూడో షెడ్యూల్‌.. చిత్రీక‌ర‌ణ స‌మ‌యంలో రాంచ‌ర‌ణ్ మ‌డ‌మ‌కు గాయ‌మైంది. దీంతో మూడు వారాల పాటు చిత్రీక‌ర‌ణ‌ను వాయిదా వేశారు. వ‌చ్చే ఏడాది జూలై 30న సినిమా విడుద‌ల కానుంది.