తొలి చిత్రం ర‌న్‌రాజార‌న్‌తో శ‌ర్వానంద్‌కు పెద్ద బ్రేక్ ఇచ్చిన ద‌ర్శ‌కుడు సుజిత్ ఇప్పుడు యంగ్ రెబెల్ స్టార్ ప్ర‌భాస్‌తో సాహో సినిమా చేస్తున్నాడు. ఈ సినిమా చిత్రీక‌ర‌ణ పూర్తి చేసుకునే ద‌శ‌లో ఉంది. సినిమాను ఈ ఏడాది ఆగ‌స్ట్ 15న విడుద‌ల చేయ‌డానికి ప్లాన్ చేస్తున్నారు. దీని త‌ర్వాత డైరెక్ట‌ర్ సుజిత్ మ‌రో స్టార్ హీరోతోనే సినిమా చేయ‌బోతున్నాడ‌ట‌.

ఆ హీరో ఎవ‌రో కాదు..స్టైలిష్ స్టార్ అల్లు అర్జున్‌.రీసెంట్‌గా సుజీత్ బ‌న్నిని క‌లిసి లైన్ వినిపించాడ‌ట‌. బ‌న్నికి లైన్ న‌చ్చింది. పూర్తి స్క్రిప్ట్ సిద్ధం చేసి వినిపించ‌మ‌ని అన్నాడ‌ట‌. ఇప్పుడు సుజీత్ బ‌న్ని కోసం స్క్రిప్ట్ సిద్ధం చేసే పనిలో ఉన్నాడ‌ట‌. ప్ర‌స్తుతం బ‌న్ని త్రివిక్ర‌మ్ సినిమా చేయ‌బోతున్నాడు. ఇది ముగిసిన త‌ర్వాతనే సుజీత్ సినిమా ట్రాక్ ఎక్కే అవ‌కాశాలున్నాయి.