Prabhas Fans:ఇదేం అభిమానం రా నాయనా : బీర్ బాటిల్‌తో చేయి కోసుకుని.. ప్రభాస్ కటౌట్‌కు రక్త తిలకం
- IndiaGlitz, [Friday,June 16 2023]
భారతదేశంలో సినీతారలకు వున్న క్రేజ్ అంతా ఇంతా కాదు.. వీరిని దేవుళ్లగా ఆరాధిస్తారు అభిమానులు. ఇక అభిమాన హీరోల సినిమాలు రిలీజైనప్పుడు ఫ్యాన్స్ చేసే సందడి అంతా ఇంతా కాదు. భారీ కటౌట్‌లు, ఫ్లెక్సీలు, పాలాభిషేకాలతో థియేటర్‌ను అందంగా అలంకరిస్తారు. ఆ రోజున అన్నదానాలు, రక్తదానాలు మామూలే. తాజాగా పాన్ ఇండియా స్టార్ ప్రభాస్ నటించిన ఆదిపురుష్ చిత్రం ఈరోజు ప్రేక్షకుల ముందుకు వచ్చింది. ఈ సందర్భంగా తొలి రోజు తొలి ఆట చూడాలని తెల్లవారుజాము నుంచే డార్లింగ్ అభిమానులు థియేటర్ల వద్దకు చేరుకున్నారు. ర్యాలీలు, ఊరేగింపులు, బాణాసంచా కాల్చుతూ హోరెత్తించారు.
జై ప్రభాస్ అన్నా అంటూ చేయి కోసుకుని :
అయితే అందరిలా చేస్తే వెరైటీ ఏముంటుంది. తాను స్పెషల్‌గా వుండాలని అనుకున్నాడో ఏమో కానీ ఓ ప్రభాస్ వీరాభిమాని మాత్రం రక్తం చిందించాడు. ఆదిపురుష్ కటౌట్ వద్ద జై ప్రభాస్ అన్నా అంటూ బీర్ బాటిల్‌ను పగులగొట్టి దాని ముక్కతో చేయి కోసుకున్నాడు. అంతేకాదు.. ఆ రక్తంతో ప్రభాస్ ఫోటోకు తిలకంలా దిద్దాడు. పక్కనే వున్న తోటి అభిమానులు ఈ తతంగం మొత్తాన్ని వీడియో తీసి సోషల్ మీడియాలో పెట్టారు. ప్రస్తుతం ఈ వీడియో ఆన్‌లైన్‌లో వైరల్ అవుతోంది. దీనిపై నెటిజన్లు రకరకాలుగా స్పందిస్తున్నారు.
గ్రాండ్‌గా ఆదిపురుష్ రిలీజ్ :
ఇకపోతే.. దాదాపు రూ.500 కోట్ల బడ్జెట్‌తో ఆదిపురుష్‌ను తెరకెక్కించారు. ఓం రౌత్ దర్శకత్వం వహిస్తున్న ఈ సినిమాలో ప్రభాస్ రాముడిగా, కృతి సనన్ సీతగా, రావణుడిగా సైఫ్ అలీఖాన్, లక్ష్మణుడిగా సన్నీసింగ్, హనుమంతుడిగా దేవదత్త నాగే నటిస్తున్నారు. వీరితో పాటు వత్సల్ సేథ్, సోనాల్ చౌహాన్, తృప్తి తోరడమల్ కీలక పాత్రలు షోషిస్తున్నారు. టీ-సిరీస్‌, రెట్రో ఫైల్స్ సంస్థలు ఈ చిత్రాన్ని నిర్మిస్తున్నాయి. ఈ సినిమాను శుక్రవారం దాదాపు 6,200 స్క్రీన్‌లలో రిలీజ్ చేసినట్లుగా ట్రేడ్ వర్గాలు చెబుతున్నాయి. అడ్వాన్స్ బుకింగ్‌లు కూడా భారీగానే జరిగాయి. మరి ఆదిపురుష్ వసూళ్ల పరంగా ఎలాంటి రికార్డులు సృష్టిస్తుందో చూడాలి.
Offline cult fans 🥵🔥
— ❌ ＢＥＡＳＴ ❌ (@thedevilmonstr) June 16, 2023
Beer bottle cheyyi koskunnadu 🙏🏼#Prabhas #Adipurush #AdipurushCelebrations pic.twitter.com/FZl3PfAww1