బాహుబ‌లి పార్ట్ 1 త‌ర్వాత గ్యాప్ వ‌చ్చినప్ప‌టికీ యంగ్ రెబ‌ల్ స్టార్ ప్ర‌భాస్ వేరే సినిమా చేయ‌కుండా బాహుబ‌లి 2 కోసం క‌స‌రత్తులు స్టార్ట్ చేశాడు. అయితే విరామంలో కూడా ప్ర‌భాస్ బ‌య‌టెక్క‌డా ఎక్కువ‌గా క‌న‌ప‌డ‌లేదు. అయితే మెగా ఫ్యామిలీ వేడుకకు ప్ర‌భాస్ అతిథిగా హాజ‌రు కానున్నాడని ఫిలింన‌గ‌ర్ వ‌ర్గాల స‌మాచారం. వ‌రుణ్‌తేజ్, దిశాప‌టాని హీరో హీరోయిన్లుగా పూరి జ‌గ‌న్నాథ్ ద‌ర్శ‌క‌త్వంలో తెర‌కెక్కిన లోఫ‌ర్` చిత్ర ఆడియో వేడుక డిసెంబ‌ర్ 7న జ‌ర‌గ‌నుంది.

ఈ వేడుక‌కు ప్ర‌భాస్ చీఫ్ గెస్ట్ గా హాజ‌రుకానున్నారట‌. ఈ వేడుక‌కు మెగాస్టార్ చిరంజీవి ముఖ్యఅతిథిగా వ‌స్తాడ‌ని అనుకున్నప్ప‌టికీ కార‌ణాలు తెలియ‌లేదు కానీ ఇప్పుడు ప్ర‌భాస్ ముఖ్య అతిథిగా వ‌స్తాడ‌ని అంటున్నారు. పూరి జ‌గ‌న్నాథ్‌తో గ‌తంలో బుజ్జిగాడు, ఏక్ నిరంజ‌న్ సినిమాలు చేసిన ప్ర‌భాస్, ఆ సానిహిత్యంతోనే హాజ‌రు కానున్నాడ‌నేది టాక్‌. లోఫర్` మూవీ డిసెంబర్ 18న విడుదల కానుంది.