యంగ్‌ రెబల్‌ స్టార్‌ ప్రభాస్ ఇప్పుడు ప్యాన్‌ ఇండియా స్టార్‌గా మారిపోయారు. వరుసగా ప్యాన్‌ ఇండియా సినిమాలను చేస్తూ వస్తున్నారు. ఆయన ఖాతాలో ఇప్పుడు మూడు ప్యాన్‌ ఇండియా సినిమాలున్నాయి. అందులో ముందుగా'జిల్' ఫేమ్ రాధాకృష్ణ కుమార్ దర్శకత్వంలో 'రాధేశ్యామ్‌' రూపొందుతోన్న సంగతి తెలిసిందే. ఈ సినిమాకు సంబంధించి గతంలో ఫస్ట్‌లుక్‌ను విడుదల చేసిన మేకర్స్‌ ఇటీవల ప్రేరణ పాత్రలో పూజాహెగ్డే నటిస్తుందంటూ ఆమె లుక్‌ను విడుదల చేశారు.

ఈ క్రమంలో ప్రభాస్‌ పుట్టినరోజు అక్టోబర్‌ 23, ఈ సందర్భంగా 'రాధేశ్యామ్‌' టీజర్‌ విడుదలవుతుందని అందరూ భావించారు. కానీ మేకర్స్‌ 'బీట్స్ ఆఫ్ రాధేశ్యామ్' పేరుతో మోషన్‌ పోస్టర్‌ను విడుదల చేస్తున్నట్లు ప్రకటించారు. 'మరోసారి మీరు వారి ప్రేమలో తప్పకుండా పడతాడు. అక్టోబర్‌ 23న రాధేశ్యామ్‌ మోషన్‌ పోస్టర్‌' అంటూ నిర్మాణ సంస్థల్లో ఒకటైన యువీ సంస్థ ప్రకటిస్తూ ఓ పొగరైలుబండి పోస్టర్‌ను షేర్‌ చేసింది. ప్రస్తుతం సినిమా ఇటలీలో చిత్రీకరణను జరుపుకుంటోంది. అన్నీ కార్యక్రమాలను పూర్తి చేసి ఈ పీరియాడికల్ లవ్ స్టోరిని వచ్చే ఏడాది వేసవిలో తెలుగు, తమిళ, హిందీ భాషల్లో విడుదల చేయడానికి మేకర్స్‌ సన్నాహాలు చేస్తున్నారు.