క‌ష్టే ఫ‌లి అనే మాట‌ను అక్ష‌రాలా న‌మ్ముతున్నాడు ప్ర‌భాస్‌. నిజ‌మే. బాహుబ‌లి సినిమాకు ఆయన ప‌డ్డ క‌ష్టానికి ఫ‌లితం ద‌క్కింది. తాజాగా బాహుబ‌లి సీక్వెల్ కోసం స‌ర్వం స‌న్న‌ద్ధ‌మ‌వుతున్నారు. ఈ త‌రుణంలో ప్ర‌భాస్ న‌టించ‌బోయే త‌దుప‌రి సినిమాపై ఆస్త‌కిక‌ర‌మైన విష‌యాలు వెల్ల‌డ‌వుతున్నాయి.

బాహుబ‌లి ది కంక్లూజ‌న్ సినిమా పూర్త‌వ‌గానే ప్ర‌భాస్ యువీ క్రియేష‌న్స్ తెర‌కెక్కించే సినిమాలో చేస్తారు. సుజీత్ ఆ సినిమాకు ద‌ర్శ‌క‌త్వం వహిస్తారు. ర‌న్ రాజా ర‌న్ సినిమా త‌ర్వాత సుజీత్ వెయిట్ చేస్తున్న‌ది ప్ర‌భాస్ కాల్షీట్ కోస‌మే. స్టైలిష్ కాప్ ఎంట‌ర్‌టైన‌ర్‌గా రూపొంద‌నున్న ఆ సినిమాలో ప్ర‌భాస్‌ను మ‌రింత అందంగా చూపించ‌డానికి స‌న్నాహాలు చేస్తున్నారు సుజీత్‌. ఆ సినిమాను యువీ క్రియేష‌న్ మూడు భాష‌ల్లో నిర్మించ‌డానికి స‌న్నాహాలు చేస్తోంద‌ట‌. బాహుబ‌లి సినిమాతో ప్ర‌భాస్‌కు వ‌చ్చిన పేరును క్యాష్ చేసుకునే దిశ‌గా యువీ క్రియేష‌న్ ప్ర‌య‌త్నిస్తోందట‌. తెలుగు, త‌మిళంతో పాటు హిందీలోనూ ఆ సినిమాను రూపొందించాల‌ని యువీ క్రియేషన్స్ వంశీ, ప్ర‌మోద్ నిర్ణ‌యించిన‌ట్టు తెలుస్తోంది.