ప్రభాస్ కొత్త కారేమో కానీ.. అక్కడ మాత్రం సందడే సందడి
- IndiaGlitz, [Thursday,August 06 2020]
యంగ్ రెబల్ స్టార్ ప్రభాస్ కొత్త కారు కొన్నాడు.. ఆయన కారు కొనడమేమో కానీ తన కారును రిజిస్ట్రేషన్ చేసుకోవడానికి వెళ్లిన ప్రాంతమంతా సందడి సందడిగా మారింది. లాక్‌డౌన్ తరువాత సినిమా షూటింగ్‌లు లేకపోవడంతో నటీనటులెవరూ బయటి ప్రపంచాన్ని చూడటం లేదు. అలాంటిది ప్రభాస్ వంటి స్టార్ హీరో వచ్చి కళ్ల ముందు నిలబడితే ఎలా ఉంటుంది? మైండ్ బ్లాంక్ అవదు? ఖైరతాబాద్ ఆర్టీఏ ఆఫీసులోని వారికి కూడా ఇదే జరిగింది.
ఇటీవలే కొత్త కారు కొన్న డార్లింగ్ దాని రిజిస్ట్రేషన్ కోసం ఖైరతాబాద్ ఆర్టీఏ ఆఫీసుకి వెళ్లాడు. విషయం తెలుసుకున్న సిబ్బందితో పాటు అభిమానులు కరోనాను సైతం మరిచిపోయి అక్కడకు చేరుకున్నారు. సిబ్బంది మొత్తం ప్రభాస్‌తో ఫోటోలు దిగి మురిసిపోయారు. అభిమానులు సైతం డార్లింగ్‌తో సెల్ఫీలు తీసుకున్నారు. అయితే డార్లింగ్ మాస్కును తీయకపోవడం మాత్రం కాస్త నిరుత్సాహాన్ని మిగిల్చింది.