సేవ చేసేందుకు చేతులు కలిపిన ప్రభాస్ & గోపీచంద్..!
- IndiaGlitz, [Monday,August 29 2016]
ప్రభాస్ & గోపీచంద్ ఇద్ద‌రూ మంచి మిత్రులు. వ‌ర్షం సినిమా చేసిన‌ప్ప‌టి నుంచి వీరిద్ద‌రి మ‌ధ్య స్నేహం మ‌రింత పెరిగింది. అయితే...మంచి ప‌ని చేస్తున్న సంస్థ‌కు చేయూతనిచ్చేందుకు ప్రభాస్, గోపీచంద్ చేతులు క‌లిపారు. ఇంత‌కీ విష‌యం ఏమిటంటే....ఫ్యూర్ లైఫ్ హెల్త్ స‌ర్వీసెస్ అనే సంస్థ వెల్ కేర్ హెల్త్ కార్డ్ అనే పేరుతో ఓ స‌ర్వీస్ ప్రారంభించింది.
999 రూపాయ‌లు చెల్లించి ఈ కార్డ్ తీసుకుంటే సంవ‌త్స‌రం పాటు ఒక ఫ్యామిలీలోని ఆరుగ‌రురు స‌భ్యులు కార్పోరేట్ హాస్ప‌ట‌ల్ లో వైద్యం చేయించుకోవ‌చ్చు. ఇది కామ‌న్ మేన్ కి ఎంత‌గానో ఉప‌యోగ‌క‌రంగా ఉంటుంది. కామ‌న్ మేన్ కోసం ఈ సంస్ధ చేస్తున్న స‌ర్వీస్ న‌చ్చి హీరో గోపీచంద్ బ్రాండ్ అంబాసిడ‌ర్ గా ఉండేందుకు అంగీక‌రించారు.ఈ విష‌యం తెలిసి ప్రభాస్ త‌న వంతుగా ఈ వెల్ కేర్ హెల్త్ కార్డ్ ను లాంఛ్ చేసారు. ప్రభాస్, గోపీచంద్ ల‌తో పాటు హీరో శ్రీకాంత్ కూడా ఈ సంస్థ‌తో అసోసియేట్ అవుతాన‌ని చెప్ప‌డం విశేషం.