నంద‌మూరి బాల‌కృష్ణ‌తో డైరెక్ట‌ర్ సంతోష్ జాగ‌ర్ల‌పూడి ఓ సినిమాను చేయాల‌ని అనుకున్నాడు. ఆయ‌నకున్న మాస్ ఇమేజ్‌కు త‌గిన‌ట్లు ఓ క‌థ‌ను సిద్ధం చేసుకున్నాడు. ముందుగా నిర్మాత అనీల్ సుంక‌ర‌ను క‌లిసి క‌థ‌ను వినిపించాడ‌ట‌. ఆయ‌న‌కు క‌థ బాగా న‌చ్చ‌డంతో సినిమా చేయ‌డానికి ఓకే చెప్పేశాడ‌ట‌. బల‌రామ‌య్య బ‌రిలోకి దిగితే అనే టైటిల్‌ను పెట్టి సంతోష్ శ్రీనివాస్ క‌థ‌ను సిద్ధం చేశాడ‌ట‌. ఇప్పుడు నిర్మాత అనీల్ సుంక‌ర.. బాల‌య్య‌ను క‌లిసి లైన్ క్లియర్ చేసుకునే ప్ర‌య‌త్నాల్లో ఉన్నాడ‌ట‌. ఎందుకంటే ప్ర‌స్తుతం బోయపాటి శ్రీనుతో సినిమా చేస్తున్న బాల‌కృష్ణ త‌దుప‌రి సినిమా ఎవ‌రితో చేస్తాడ‌నే దానిపై క్లారిటీ లేదు. ఒక‌వైపు బి.గోపాల్ పేరు వినిపిస్తుంది.. దీంతో అనీల్ సుంక‌ర త‌దుప‌రి త‌న సినిమాను లైన్‌లో పెట్టాల‌ని అనుకుంటున్నాడ‌ట‌.

సింహా, లెజెండ్ చిత్రాల త‌ర్వాత బోయపాటి ద‌ర్శ‌క‌త్వంలో బాల‌కృష్ణ సినిమా చేస్తోన్న సంగ‌తి తెలిసిందే. కోవిడ్ త‌ర్వాత సినిమా షూటింగ్ పునః ప్రారంభ‌మైంది. ఇందులో ప్ర‌గ్యా జైశ్వాల్ హీరోయిన్‌గా న‌టిస్తుండ‌గా, హీరోయిన్ పూర్ణ ఓ కీల‌క పాత్ర‌లో న‌టిస్తుంది. ద్వార‌కా క్రియేష‌న్స్ బ్యాన‌ర్‌లో మిర్యాల ర‌వీంద‌ర్ రెడ్డి ఈ చిత్రాన్ని నిర్మిస్తున్నారు.