పవన్ స్టార్ట్ చేసేస్తున్నాడు..
- IndiaGlitz, [Monday,May 23 2016]
ప‌వ‌ర్ స్టార్ పవన్ క‌ళ్యాణ్ గ‌త నెల‌లో స‌ర్ధార్ గ‌బ్బ‌ర్ సింగ్ అంటూ ప్రేక్ష‌కుల ముందుకు వ‌చ్చాడు. ఆత‌ర్వాత ఆదే నెల‌లో కొత్త సినిమా ప్రారంభించాడు. ఎస్.జె.సూర్య ఈ చిత్రానికి ద‌ర్శ‌కుడు. పవన్ ఫ్రెండ్ శ‌ర‌త్ మ‌రార్ నిర్మాత. ఈ చిత్రంలో పవన్ స‌ర‌స‌న శృతిహాస‌న్ హీరోయిన్ గా న‌టిస్తుంది.
వ‌చ్చే నెల 2 నుంచి ఈ చిత్రం షూటింగ్ ప్రారంభించ‌డానికి ప్లాన్ చేసారు. పొల్లాచిలో పవన్, ఇత‌ర ముఖ్య తారాగ‌ణం పై కీల‌క స‌న్నివేశాల‌ను చిత్రీక‌రించ‌నున్నారు. ఫ్యాక్ష‌న లీడ‌ర్ ప్రేమ క‌థగా ఈ చిత్రం రూపొందుతుంది. ఇందులో రొమాన్స్ తో పాటు ఎంటర్ టైన్మెంట్, యాక్ష‌న్ ఉంటుంద‌ని స‌మాచారం. ఈ చిత్రానికి క‌థ ఆకుల శివ అందించ‌గా, అనూప్ సంగీతం అందిస్తున్నారు. స‌ర్ధార్ గ‌బ్బ‌ర్ సింగ్ తో స‌క్సెస్ సాధించ‌లేక‌పోయిన పవన్ ఈ చిత్రంతోనైనా స‌క్సెస్ సాధిస్తాడేమో చూడాలి.