HD தரத்தில் பொதிகை.. எண்ட்ரியாகிறார் ராதிகா சரத்குமார்.. தனியார் டிவிகளுக்கு போட்டியா?
- IndiaGlitz, [Tuesday,January 16 2024]
ஒரு காலத்தில் பொதிகை டிவி மட்டுமே இருந்த நிலையில் அதில் ஒளிபரப்பான நிகழ்ச்சிகள் அனைத்தும் மக்கள் மத்தியில் நல்ல வரவேற்பு பெற்றன. ஆனால் தனியார் டிவிக்கள் வரவுக்கு பின்னர் பொதிகை டிவியை மக்கள் கிட்டத்தட்ட மறந்தே விட்டனர். செய்திகள் கூட இப்போது பார்ப்பதில்லை.
இந்த நிலையில் தற்போது பொதிகை டிவி, தனியார் டிவிகளுக்கு இணையாக HD தரத்தில் ஒளிபரப்பாகிறது. அதுமட்டுமின்றி புதுப்புது தொலைக்காட்சி தொடர்களும் பிரபலங்களை வைத்து தயாரிக்க உள்ளதாகவும் செய்திகள் வெளியாகி உள்ளன.
முதல் கட்டமாக பொதிகை டிவியில் புதிய தொடர் ஒன்றை தயாரித்து ராதிகா நடிக்க உள்ளார். ’தாயம்மா குடும்பத்தார்’ என்ற இந்த தொடர் விரைவில் ஒளிபரப்பாக உள்ளது. இந்த தொடரில் ’சந்திரமுகி’ திரைப்படத்தில் நடித்த குழந்தை நட்சத்திரம் பொம்மி தான் நாயகியாக நடிக்க இருக்கிறார்.
அதேபோல் பொதிகையில் ஒளிபரப்பாக இருக்கும் இன்னொரு தொடரில் நடிகை சுகன்யா நடிக்க இருக்கிறார். இந்த தொடர்கள் தனியார் தொலைக்காட்சிகளுக்கு சவால் விடுக்கும் வகையில் இருக்குமா என்பதை பொறுத்திருந்துதான் பார்க்க வேண்டும்.