கோலிவுட் திரையுலகில் காமெடி நடிப்பில் தனக்கென ஒரு தனி இடத்தை கெட்டியாக பிடித்து கொண்ட சூரி, 'வெண்ணிலா கபடிக்குழு' படத்தில் இடம்பெற்ற பரோட்டா காட்சியினால்தான் புகழ் பெற்றார் என்பது அனைவரும் அறிந்ததே. சிலகாலம் பரோட்டா சூரி என்றே அழைக்கப்பட்ட அவர் அந்த காட்சியின் படப்பிடிப்பின்போது எத்தனை பரோட்டா சாப்பிட்டார் என்பது குறித்த தகவலை தற்போது வெளியிட்டுள்ளார்.

பிரபல சமூக வலைத்தளம் ஒன்றில் ரசிகர்களின் கேள்விகளுக்கு பதிலளித்து வந்த சூரி, 'வெண்ணிலா கபடிக்குழு படத்தின் பரோட்டா காட்சியின்போது எத்தனை பரோட்டாக்கள் சாப்பிட்டீர்கள் என்று ரசிகர் கேட்ட கேள்விக்கு 17 பரோட்டாக்கள் என்று பதிலளித்துள்ளார்.

இந்நிலையில் விஷ்ணுவுடன் சூரி நடிப்பில் இன்று வெளியாகியுள்ள 'வேலைன்னு வந்துட்டா வெள்ளைக்காரன்' படம் பாசிட்டிவ் விமர்சனங்களை பெற்று நல்ல வரவேற்பை பெற்றுள்ளதாக தமிழகமெங்கிலும் இருந்து செய்திகள் வெளியாகியுள்ளது.