சமீபத்தில் வெளியான ’போர் தொழில்’ என்ற திரைப்படம் மிகப்பெரிய வெற்றி பெற்ற நிலையில் இந்த படத்தின் இரண்டாம் பாகம் உருவாக அதிக வாய்ப்பு இருப்பதாக நடிகர் அசோக் செல்வன் தெரிவித்துள்ளார்.

சரத்குமார், அசோக் செல்வன், நிகிலா விமல், நிழல்கள் ரவி, சரத் பாபு உள்ளிட்ட பலர் நடிப்பில் உருவான திரைப்படம் ’போர் தொழில்’. இந்த படம் கடந்த ஜூன் மாதம் ஒன்பதாம் தேதி வெளியான நிலையில் திரையரங்குகளில் மிகப்பெரிய வரவேற்பை பெற்றது என்பதும் இந்த படம் 50 கோடி ரூபாய் வசூல் செய்து சாதனை செய்தது என்பது குறிப்பிடத்தக்கது. திரையரங்கை அடுத்து சமீபத்தில் ஓடிடியில் இந்த படம் வெளிவந்து அதிலும் நல்ல வரவேற்பை பெற்று வருகிறது.

இந்த நிலையில் இந்த படத்தில் நடித்த அசோக் செல்வன் இந்த படத்தின் இரண்டாம் பாகம் உருவாக அதிக வாய்ப்பு இருப்பதாக தன்னிடம் இயக்குனர் விக்னேஷ் கூறியதாகவும் விரைவில் இது குறித்து அறிவிப்பு வெளிவர வாய்ப்பு இருப்பதாகவும் கூறினார்

தமிழ் திரையுலகில் பல சூப்பர் ஹிட் படங்களின் இரண்டாம் பாகங்கள் வெளிவந்துள்ள நிலையில் ’போர் தொழில்’ திரைப்படத்தின் இரண்டாம் பாகம் உருவாகுமா? என்பதை பொறுத்திருந்து பார்ப்போம்

இந்த நிலையில் நடிகர் அசோக் செல்வன், நடிகை கீர்த்தி பாண்டியனை விரைவில் திருமணம் செய்ய இருக்கும் நிலையில் அவர் தற்போது ’சபாநாயகன்’ ’ப்ளூ ஸ்டார்’ ஆகிய படங்களில் நடித்து வருகிறார்.