న‌టి పూన‌మ్ కౌర్ మ‌రోసారి వార్త‌ల్లో వ్య‌క్తిగా నిలిచింది. అసెంబ్లీ ఎన్నికల ముందు ప‌రోక్షంగా జ‌న‌సేనాని ప‌వ‌న్‌క‌ల్యాణ్‌ని, డైరక్ట‌ర్‌ని టార్గెట్ చేస్తూ కొన్ని మెసేజ్‌లు చేసింది. దీంతో ప్ర‌త్య‌ర్థ పార్టీలు పూన‌మ్ కౌర్‌ను ప‌వ‌న్‌క‌ల్యాణ్‌పై ఆయుధంగా వాడుతార‌ని కూడా వార్త‌లు వినిపించాయి. అయితే ఎన్నిక‌ల స‌మ‌యంలో పూన‌మ్ సైలెంట్‌గా అయిపోయింది. చాలా గ్యాప్ త‌ర్వాత ఈమె మ‌రోసారి చేసిన ఓ ట్వీట్ సోష‌ల్ మీడియాలో హల్ చ‌ల్ చేస్తుంది. `ఒక అబ‌ద్ధాల కోరు రాజ‌కీయ నాయ‌కుడు కాగ‌ల‌డు కానీ లీడ‌ర్ కాలేడు` అని ట్వీట్ చేసింది. దానికి ఓ చిన్న ఆలోచ‌న అంటూ మెసేజ్‌ను కూడా జ‌త చేసింది.

ఈ ట్వీట్‌లో పూన‌మ్ ఎవ‌రి పేరుని నేరుగానో, పరోక్షంగానే ప్ర‌స్తావించ‌లేదు. అయితే నెటిజ‌న్స్‌, ప‌వ‌న్ ఫ్యాన్స్ మాత్రం పూన‌మ్ ప‌వ‌న్ క‌ల్యాణ్‌నే టార్గెట్ చేసిందంటూ ఆమెకు రిప్ల‌య్‌లు ఇవ్వ‌డం ప్రారంభించారు. అస‌లు పూన‌మ్ తాను చెప్పాల‌నుకున్న కొటేష‌న్‌ను ఏ ఉద్దేశంతో చెప్పిందో కానీ.. అభిమానులు మాత్రం త‌మ హీరోకి ఆ విష‌యాన్ని అన్వ‌యించుకోవ‌డం బాగోలేద‌ని మ‌రో వ‌ర్గం భావిస్తుంది.

A liar can become a politician but never a leader .... #justathought

— पूनम कौर ❤️ poonam kaur (@poonamkaurlal) October 28, 2019