పూజా భారీగా పారితోషికం పెంచేసిందిగా!
- IndiaGlitz, [Thursday,September 26 2019]
టాలీవుడ్‌లో ప్రస్తుతం టాప్ హీరోయిన్ ఎవరంటే టక్కున గుర్తొచ్చే పేరు పూజా హెగ్దే. అప్పుడెప్పుడో ‘ముకుంద’ సినిమాలో నటించిన పూజ.. ఇప్పటి ‘వాల్మీకి’ పూజాలో చాలా మార్పులొచ్చాయ్. తనను ఫలానా సినిమాలో చేయాలని సంప్రదించిన దర్శకనిర్మాతలకు నో చెప్పకుండా చేస్తూ వచ్చిందీ భామ. అలా స్టార్ హీరోలు సరసన జూనియర్ ఎన్టీఆర్‌తో ‘అరవింద సమేత’, సూపర్‌స్టార్ మహేశ్ బాబుతో ‘మహర్షి’లో, వరుణ్ తేజ్‌ సరసన ‘వాల్మీకి’లో ఇలా వరుస సినిమాలు చేయడంతో పూజా సుడి తిరిగిపోయింది.. రేంజ్ కూడా పెరిగిపోయింది. అంతేకాదు.. త్వరలోనే మళ్లీ అల్లు అర్జున్ హీరోగా వస్తున్న ‘అల వైకుంఠపురంలో..’ రెబల్ స్టార్ ప్రభాస్ సరసన ‘జాన్’తో పాటు అఖిల్ సరసన నటిస్తోంది.
అయితే ఇలా వరుస సినిమాలు వస్తుండటంతో.. దీపం ఉన్నప్పుడే ఇల్లు చక్కబెట్టుకోవాలనే చందంగా ఒక్కసారిగా గట్టిగా రెమ్యునరేషన్ పెంచేసిందట. అయినప్పటికీ జూనియర్, సీనియర్ హీరోలతో సినిమాలంటే చాలు మొదట పూజ దగ్గరకే వెళ్తున్నాయి. ఆమె ఎంత అడిగితే అంత ఇవ్వడానికి దర్శకనిర్మాతలు సిద్ధమవుతున్నారట. ఇప్పటికే ఈ భామ ఒక్కో సినిమాకు సుమారు రూ. 2 కోట్లు పుచ్చుకుంటోందట. ప్రభాస్ సినిమాకు మాత్రం ఇంకాస్త రూ. 2.50 కోట్లు తీసుకుంటోందట. అయితే ప్రస్తుతం పూజ చేతిలో ఉన్న సినిమాలు గానీ పూర్తయితే రూ.4 కోట్లు పెంచినా పెంచేస్తుందేమో.