యంగ్ రెబల్ స్టార్ ప్రభాస్ పుట్టిన రోజు మరో రెండు రోజుల్లో రాబోతోంది. దీని కోసం ప్రభాస్ అభిమానులు ఇప్పటికే సిద్ధమయ్యారు. క్యాజువల్‌గా అయితే కేక్ కటింగ్‌లు, రక్తదానాలు, భారీ హోర్డింగ్‌లు వంటివి ఏర్పాటు చేసి ధూం ధాం చేస్తారు. కానీ ఈ సారి ప్రభాస్ అభిమానులు కాస్త డిఫరెంట్‌గా ట్రై చేశారు. సోషల్ మీడియా యుగం నడుస్తోంది కాబట్టి.. దీనిని ప్రభాస్ అభిమానులు చక్కగా వినియోగించుకున్నారు.

తాజాగా ప్రభాస్ బర్త్ డే సీడీపీని రిలీజ్ చేశారు. అభిమానులంతా ఈ సీడీపీతో సోషల్ మీడియాను హోరెత్తిస్తున్నారు. ప్రభాస్ మాస్ లుక్‌తో కనిపిస్తున్న ఈ సీడీపీ నెట్టింట వైరల్‌గా మారింది. ట్విటర్‌లో ట్రెండ్ అవుతోంది. కాగా.. ప్రభాస్ సినిమాల విషయానికి వస్తే.. ప్రస్తుతం రాధాకృష్ణ‌ కుమార్ దర్శకత్వంలో అత్యంత ప్ర‌తిష్టాత్మ‌కంగా ‘రాధేశ్యామ్’ చిత్రం తెరకెక్కుతోంది. ఈ సినిమాలో ప్రభాస్ సరసన పూజా హెగ్డే హీరోయిన్‌గా నటిస్తోంది.

ప్రేరణ పాత్రలో నటిస్తున్న పూజా హెగ్డే.. షూటింగ్ స్పాట్‌లో తీసిన ఓ వీడియోను సోషల్ మీడియాలో పోస్ట్ చేసింది. ప్రభాస్ అభిమానుల కోసం పెద్ద సర్‌ప్రైజ్ రాబోతోందని వెల్లడించింది. `హాయ్.. నేను `రాధేశ్యామ్` సెట్‌లో ఉన్నాను. రేపు మీ కోసం పెద్ద సర్‌ప్రైజ్ రాబోతోంది. అప్ప‌టివ‌ర‌కు వేచి ఉండండి` అంటూ షూటింగ్ స్పాట్‌లో తీసిన వీడియోను పూజా హెగ్డే ఇన్‌స్టాగ్రామ్‌లో పోస్ట్ చేసింది. ఆ సర్‌ప్రైజ్ కోసం ప్రభాస్ అభిమానులు ఆసక్తిగా ఎదురు చూస్తున్నారు.

Something exciting coming up tomorrow ! ☺️ Watch this space ??❤️ #RadheShyamSurprise #DontKeepCalm pic.twitter.com/sFx3XTCk1c

— Pooja Hegde (@hegdepooja) October 20, 2020