எனக்கு அவரை தெரியாது, இருந்தாலும் இரங்கல் தெரிவிக்கின்றேன்: பூஜா ஹெக்டே
- IndiaGlitz, [Thursday,September 02 2021]
பிரபல நடிகர் இன்று மாரடைப்பால் திடீரென காலமான நிலையில் அவரை தனக்கு பர்சனலாக தெரியவில்லை என்றாலும் அவரது குடும்பத்திற்கு எனது இரங்கலை தெரிவித்துக் கொள்கிறேன் என ’பீஸ்ட்’, நாயகி பூஜா ஹெக்டே தனது இன்ஸ்டாகிராம் பக்கத்தில் தெரிவித்துள்ளார்
பிரபல பாலிவுட் நடிகரும் பிக்பாஸ் இந்தி 13வது சீசனின் டைட்டில் வின்னருமான சித்தார்த் ஷகுலா இன்று திடீரென மாரடைப்பால் மரணம் அடைந்தார். அவருக்கு வயது 40 மட்டுமே என்பது குறிப்பிடத்தக்கது. இவ்வளவு இளம் வயதில் ஒரு திறமையான நடிகர் காலமானதை அடுத்து சல்மான்கான் உள்பட பல முன்னணி பாலிவுட் பிரபலங்கள் தங்களது அதிர்ச்சியை பதிவு செய்துள்ளனர்
அந்த வகையில் பாலிவுட்டில் தற்போது முன்னணி நடிகையாக உருவாகிவரும் ’பீஸ்ட்’ நாயகி பூஜா ஹெக்டே இதுகுறித்து தனது இன்ஸ்டாகிராம் ஸ்டோரியில் பதிவு செய்துள்ளார். சித்தார்த் ஷகுலாவின் மறைவு செய்தி கேட்டு மிகவும் வருத்தம் அடைந்தேன். அவரை எனக்கு பெர்சனல் ஆக தெரியாது ஆனால் இந்த சிறிய வயதில் அவர் காலமானது எனக்கு பெரும் அதிர்ச்சியை ஏற்படுத்தி உள்ளது. அவருடைய குடும்பத்தாருக்கு என்னுடைய ஆழ்ந்த இரங்கலைத் தெரிவித்துக்கொள்கிறேன் என்று கூறியுள்ளார். பூஜாவின் இந்த பதிவு தற்போது வைரலாகி வருகிறது