ప్ర‌స్తుతం మెగాస్టార్ చిరంజీవి 152వ చిత్రం ‘ఆచార్య’. కొర‌టాల శివ ద‌ర్శ‌క‌త్వంలో నిరంజ‌న్ రెడ్డి, రామ్‌చ‌ర‌ణ్ నిర్మాత‌లు ఈ సినిమాను రూపొందిస్తున్నారు. ఈ సినిమాలో చిరంజీవి స‌ర‌స‌న కాజ‌ల్ అగ‌ర్వాల్ హీరోయిన్‌గా న‌టిస్తుంది. ఈ సినిమాలో మెగాప‌వ‌ర్‌స్టార్ రామ్‌చ‌ర‌ణ్ కీల‌క పాత్ర‌లో న‌టిస్తోన్న సంగ‌తి తెలిసిందే. ఈ సినిమాలో రామ్‌చ‌ర‌ణ్ జోడీగా పూజా హెగ్డే నటిస్తోంది. ఫిబ్ర‌వ‌రి 09 నుంచి పూజా హెగ్డే ఆచార్య టీమ్‌తో జాయిన్ అయ్యింది.

ఇర‌వై రోజుల పాటు పూజా హెగ్డే ఆచార్య కోసం కాల్షీట్స్‌ను కేటాయించింద‌ని, అందుకు కోటి రూపాయ‌ల‌కు పైగానే రెమ్యున‌రేష‌న్‌ను తీసుకుంటున్న‌ట్లు విశ్వ‌స‌నీయ వ‌ర్గాల స‌మాచారం. మే 13 నుంచి ప్ర‌పంచ వ్యాప్తంగా సినిమాను విడుద‌ల చేస్తున్నారు. రీసెంట్‌గా విడుద‌లైన ఈ సినిమా టీజర్‌తో సినిమాపై అంచ‌నాలు రెట్టింపు అయ్యాయి.

దేవాదాయ‌శాఖ‌లో అవినీతిని ప్ర‌శ్నించే విధంగా మంచి మెసేజ్‌తో సినిమా క‌థ‌ను డిజైన్ చేశాడ‌ట కొర‌టాల శివ‌. చిరంజీవి మాజీ నక్సలైట్ పాత్ర‌లో క‌నిపిస్తే.... రామ్‌చ‌ర‌ణ్ సిద్ధ అనే న‌క్సలైట్ నాయ‌కుడు పాత్ర‌లో క‌నిపించ‌నున్నాడ‌ట‌. మ‌ణిశ‌ర్మ ఈ చిత్రానికి సంగీతాన్ని అందిస్తున్నాడు.