తెలుగు సినీ ప్రొడక్షన్ ఎగ్జిక్యూటివ్ యూనియన్ తెలుగు సినీ రథసారధుల రజతోత్సవం ఆదివారం నాడు గ్రాండ్‌గా జరిగింది. ఈ కార్యక్రమంలో పలువురు రాజకీయ సినీ ప్రముఖులు పాల్గొని విజయవంతం చేశారు. ఇదిలా ఉంటే కార్యక్రమంలో భాగంగా.. మొదట పాటలతో కొందరు కుర్ర భామలు అందాలు ఆరబోశారు. ఈ సందర్భంగా.. బాలీవుడ్, కోలీవుడ్, శాండల్‌వుడ్‌లో తీరిక లేకుండా సినిమాలు చేస్తున్న పూజా హెగ్దే.. అలియాస్ జిగేల్ భామ తన అందచందాలు ఆరబోసింది.

పూజా స్టేజ్ మీదికి వచ్చింది మొదలుకుని ఆమె స్టెప్పులు ముగించే వరకు ఈలలు, కేకలతో కుర్రకారు హోరెత్తించారు. వైలెట్ కలర్‌ డ్రస్‌వేసిన జిగేల్ భామ డ్యాన్స్ మాత్రం అదరగొట్టేసింది. ఆమె డ్యాన్స్ చేస్తున్నంత అక్కడున్న వీక్షకులకు రెండు కళ్లూ సరిపోలేదు.! ఒక్క మాటలో చెప్పాలంటే ఇటు సినీ ప్రియులు, వీక్షకులతో పాటు సెలెబ్రిటీలు కూడా పూజా డ్యాన్స్‌కు ఫిదా అయిపోయారు.

ఇక పూజా గురించి చెప్పాల్సి వస్తే.. ‘డీజే’ సినిమాకు ముందు ఆ తర్వాత అని చెప్పాలి. ‘డీజే’ కు అరకొర సినిమాలు చేసినప్పటికీ పెద్దగా ఆమె పేరు తెచ్చిపెట్లేదు.. హిట్ కూడా కాలేదు. ఆ సినిమా తర్వాతే ఈ ముద్దుగుమ్మ సుడి తిరిగిందని చెప్పుకోవచ్చు. ‘అరవింద సమేత’,‘మహర్షి’ సినిమాల్లో నటించిన ఈ భామకు వెనక్కి తిరిగి చూసుకోవాల్సిన అవసరం లేకుండా పోయింది. ఇదిలా ఉంటే.. మెగా హీరో వరుణ్ తేజ్ హీరోగా వస్తున్న ‘వాల్మీకి’.. స్టైలిష్ స్టార్ అల్లు అర్జున్‌తో ‘అల వైకుంఠపురం’ సినిమాలో నటిస్తున్నది. ఇలా వరుస సినిమాలతో ఈ ముద్దుగుమ్మ టాలీవుడ్‌లో టాప్ హీరోయిన్లలో ఒకరు నిలిపోతుందనడంలో ఎలాంటి అతిశయోక్తి లేదేమో.