பூஜா ஹெக்டே நடிக்கும் இந்தி படம் 'அடங்கமறு' ரீமேக் படமா? படக்குழுவினர் விளக்கம்..!
- IndiaGlitz, [Wednesday,May 01 2024]
ஜெயம் ரவி, ராஷி கண்ணா நடிப்பில் கார்த்திக் தங்கவேல் இயக்கத்தில் கடந்த 2018 ஆம் ஆண்டு வெளியான ‘அடங்கமறு’ என்ற திரைப்படம் நல்ல வரவேற்பு பெற்ற நிலையில் இந்த படத்தின் இந்தி ரீமேக் விரைவில் உருவாக இருப்பதாக கடந்த சில மாதங்களாக செய்திகள் வெளியாகி கொண்டிருந்தன.
‘அடங்கமறு’ ஹிந்தி ரீமேக் திரைப்படத்தில் வருண் தவான் நடிக்க இருப்பதாகவும் இந்த படத்தை சஜித் என்பவர் தயாரிக்க இருந்ததாகவும் கூறப்பட்ட நிலையில் தற்போது சஜித் தயாரிப்பில் உருவாகி வரும் ‘சங்கி’ என்ற திரைப்படம் தான் ‘அடங்கமறு’ ரீமேக் என்று கூறப்பட்டது.
இந்நிலையில் இது குறித்து படக்குழுவினர் விளக்கம் அளித்துள்ளனர் பாலிவுட்டில் ‘சங்கி’ என்ற பெயரில் உருவாகும் படம் ‘அடங்கமறு’ ரீமேக் படம் இல்லை என்றும் இது ஒரு காதல் கதை என்றும் சுனில் ஷெட்டி மகன் அஹான் ஷெட்டி மற்றும் பூஜா ஹெக்டே நடித்து வருகின்றனர் என்றும் படக்குழுவினர் விளக்கம் அளித்துள்ளனர்.
ஆனால் அதே நேரத்தில் வருண் தவான் நடிப்பில் ‘அடங்கமறு’ ரீமேக் படத்தை அடுத்த வருடம் தொடங்க இருப்பதாகவும் விரைவில் இது குறித்து அறிவிப்பு வெளியாகும் என்றும் தெரிவித்தனர்.
இந்த நிலையில் அஹான் ஷெட்டி மற்றும் பூஜா ஹெக்டே நடிக்கும் ‘சங்கி’ திரைப்படம் முழுக்க முழுக்க ரொமான்ஸ் கதை அம்சம் கொண்டது என்றும் எனவே இந்த படத்தை அடுத்த ஆண்டு காதலர் தினமான பிப்ரவரி 14ஆம் தேதி வெளியிட திட்டமிட்டுள்ளதாகவும் படக்குழுவினர் தெரிவித்துள்ளனர்.
ஏற்கனவே தமிழ் மற்றும் தெலுங்கில் நடித்த பூஜா ஹெக்டே தற்போது ஹிந்தியில் ரொமான்ஸ் படத்தில் நடிக்க இருக்கும் நிலையில் இந்த படம் அவருக்கு மிகப்பெரிய வெற்றியை கொடுக்கும் என்று எதிர்பார்க்கப்படுகிறது.