உலகநாயகன் கமல்ஹாசன் நடிக்க இருக்கும் ‘கமல்ஹாசன் 234’ திரைப்படத்தில் ’பொன்னியின் செல்வன்’ பிரபலம் இணைந்துள்ளதாக வெளிவந்திருக்கும் தகவல் ஆச்சரியத்தை ஏற்படுத்தியுள்ளது.

கடந்த சில நாட்களுக்கு முன்னர் கமல்ஹாசனின் 234வது படத்தை பிரபல இயக்குனர் மணிரத்னம் இயக்க உள்ளார் என்றும் இந்த படத்தை ரெட் ஜெயன்ட் மூவிஸ் நிறுவனம் தயாரிக்க இருப்பதாகவும் அதிகாரபூர்வமாக அறிவிக்கப்பட்டது.

இந்த நிலையில் கமல்ஹாசன் 234வது படத்தில் தற்போது 'பொன்னியின் செல்வன்’ ’வெந்து தணிந்தது காடு’ ’இந்தியன் 2’ உள்பட பல படங்களில் திரைக்கதை வசனம் எழுதிய ஜெயமோகன் இணைந்துள்ளதாக தகவல்கள் வெளியாகியுள்ளன.

மணிரத்னம் மற்றும் ஜெயமோகன் ஆகிய இருவரும் இணைந்து ’கமல் 234’ திரைப்படத்தின் திரைக்கதை மற்றும் வசனத்தை எழுதி வருவதாக வெளிவந்திருக்கும் தகவல் இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது என்பது குறிப்பிடத்தக்கது.