'பொன்னியின் செல்வன்' பாடகர் திடீர் மறைவு: திரையுலகினர் அதிர்ச்சி
- IndiaGlitz, [Friday,September 02 2022]
மணிரத்னம் இயக்கிய ’பொன்னியின் செல்வன்’ திரைப்படத்தில் இடம்பெற்ற ’பொன்னி நதி’ என்ற பாடலை பாடியவர்களில் ஒருவரான பம்பா பாக்கியா என்ற பாடகர் திடீரென காலமானது ரசிகர்கள் மத்தியில் பெரும் அதிர்ச்சியை ஏற்படுத்தி உள்ளது.
தமிழ் திரை உலகின் முன்னணி பாடகர்களில் ஒருவர் பம்பா பாக்யா என்பதும் இவர் ரஜினிகாந்த் நடித்த ’2.0’ விஜய் நடித்த ’சர்க்கார்’ மணிரத்னம் இயக்கிய ’பொன்னியின் செல்வன்’ உள்பட பல திரைப்படங்களில் பாடல்கள் பாடியுள்ளார்
இந்த நிலையில் பம்பா பாக்கியாதிடீரென மாரடைப்பு காரணமாக காலமானார் என அவரது குடும்பத்தினர் தெரிவித்துள்ளனர். அவருக்கு வயது 49. அவரது மறைவு இசைத்துறையில் பெரும் அதிர்ச்சியை ஏற்படுத்தி உள்ளது. பம்பா பாக்கியா மறைவுக்கு திரையுலகினர், இசையமைப்பாளர்கள், பாடகர்கள் இரங்கல் தெரிவித்து வருகின்றனர்.
சூப்பர் ஸ்டார் ரஜினிகாந்த் நடித்த ‘எந்திரன்’ படத்தில் இடம்பெற்ற புல்லினங்கால், விஜய்யின் ‘சர்கார்’ படத்தில் இடம்பெற்ற சிம்டாங்காரன், ‘பிகில்’ படத்தில் இடம்பெற்ற ’காலமே காலமே’ ஆகிய சூப்பர்ஹிட் பாடல்களை பாடியுள்ள பம்பா பாக்கியா, ‘பொன்னின் செல்வன்’ படத்தில் இடம்பெற்ற பொன்னி நதி என்ற பாடலை ஏஆர் ரஹ்மான், ஏஆர் ரஹைனா ஆகியோர்களுடன் இணைந்து பாடியுள்ளார் என்பதும் இந்த பாடல் கடந்த சில நாட்களுக்கு முன் வெளியாகி ஹிட்டானது என்பதும் குறிப்பிடத்தக்கது.