மணிரத்னம் இயக்கத்தில் லைகா நிறுவனத்தின் சுபாஷ்கரன் தயாரிப்பில் உருவான ’பொன்னியின் செல்வன்’ திரைப்படம் கடந்த மாதம் 30ஆம் தேதி வெளியாகி உலகம் முழுவதும் மிகப்பெரிய வரவேற்பை பெற்றுள்ளது என்பதும், இந்த படத்தின் ஒட்டுமொத்த வசூல் ரூ.400 கோடியை நெருங்கிவிட்டது என்பது குறிப்பிடத்தக்கது.

இன்னும் ஹவுஸ்புல் காட்சிகளாக இந்த படம் ஓடிக் கொண்டிருப்பதால் இதுவரை இல்லாத அளவில் தமிழ் திரை உலகின் மிகப்பெரிய வசூலை இந்த படம் எடுக்கும் என்று எதிர்பார்க்கப்படுகிறது.

இந்த நிலையில் இந்த படத்தில் நடித்த ஒவ்வொரு கேரக்டரும் மக்கள் மனதில் பதிந்துள்ளது என்பதும் அதுவே இந்த படத்தின் வெற்றிக்கு காரணம் என்பது குறிப்பிடத்தக்கது.

இந்த நிலையில் இந்த படத்தின் சமுத்திரகுமாரி பூங்குழலி என்ற கேரக்டரில் நடித்த ஐஸ்வர்யா லட்சுமி நடிப்புக்கு வாழ்த்துக்கள் குவிந்து என்பது தெரிந்ததே. அந்த வகையில் அவர் நடித்த இரண்டு படங்களை அடுத்தடுத்து ரிலீஸ் செய்ய அந்தந்த படக்குழுவினர் திட்டமிட்டுள்ளதாக தகவல் வெளியாகியுள்ளது.

கார்த்திக் சுப்பராஜ் தயாரிப்பில் ஐஸ்வர்யா லட்சுமி முக்கிய கேரக்டரில் நடித்து ’அம்மு’ என்ற வெப்சீரிஸ் வரும் 19ஆம் தேதி ஓடிடியில் வெளியாக உள்ளது. அதேபோல் மலையாள நடிகர் பிரித்விராஜ் தயாரிப்பில் ஐஸ்வர்யா லட்சுமி நடித்த ’குமரி’ என்ற மலையாள படம் வரும் 28ஆம் தேதி வெளியாக உள்ளது என்பது குறிப்பிடத்தக்கது.