மணிரத்னம் இயக்கத்தில் உருவாகியுள்ள ’பொன்னியின் செல்வன்’ திரைப்படம் வரும் 30ஆம் தேதி திரையரங்குகளில் வெளியாக உள்ள நிலையில் நேற்று இந்த படத்திற்கான முன்பதிவு தொடங்கியது.

தமிழகத்தில் உள்ள அனைத்து திரையரங்குகளிலும் ’பொன்னியின் செல்வன்’ திரைப்படத்தின் முதல் நாள் டிக்கெட் விற்று தீர்ந்துவிட்டதாகவும், முதல் நாள் டிக்கெட் வசூல் மட்டும் ரூபாய் ஒரு கோடிக்கும் மேல் முன்பதிவு மூலம் வசூல் செய்யப்பட்டு இருப்பதாகவும் தகவல்கள் வெளியாகி உள்ளன.

தமிழகத்தில் மட்டுமின்றி இந்தியாவின் பிற மாநிலங்களிலும் மற்ற மொழிகளில் ’பொன்னியின் செல்வன்’ வெளியாவதால், இந்திய அளவில் இந்த படத்தின் முதல்நாள் முன்பதிவு மட்டும் சுமார் 8 கோடி அளவுக்கு வசூல் செய்திருப்பதாக தகவல்கள் வெளியாகியுள்ளன.

மேலும் அமெரிக்காவில் இந்த படத்திற்கு மிகப்பெரிய வரவேற்பு கிடைக்கும் என்று முன்பதிவில் இருந்து தெரிய வருகிறது. முதல் நாளில் அமெரிக்காவில் முன்பதிவு வசூல் மட்டுமே ரூ.3.25 கோடி என கூறப்படுகிறது. அதேபோல் கனடா, மலேசியா, சிங்கப்பூர் உள்பட பல நாடுகளிலும் ’பொன்னியின் செல்வன்’ முன்பதிவு விறுவிறுப்பாக உள்ளது என்பது குறிப்பிடத்தக்கது.

முன்பதிவில் மட்டுமே கோடிகளை குவித்துள்ள ’பொன்னியின் செல்வன்’ திரைப்படம் வசூலில் மிகப்பெரிய சாதனை செய்யும் என்றும் இந்திய திரையுலகில் இந்த சாதனை அசைக்க முடியாததாக இருக்கும் என்றும் கூறப்பட்டு வருகிறது.