நடிகர் சூரி நடிக்கும் அடுத்த திரைப்படத்தில் ஜோடியாக, ’பொன்னியின் செல்வன்’ திரைப்படத்தில் முக்கிய வேடத்தில் நடித்த நடிகை இருப்பதாக அறிவிக்கப்பட்டுள்ளது. மேலும், இந்த படத்தின் டைட்டிலும் அறிவிக்கப்பட்டுள்ளது என்பது குறிப்பிடத்தக்கது.

தமிழ் சினிமாவின் முன்னணி காமெடி நடிகராக இருந்த சூரி, தற்போது ஹீரோவாக நடித்து வருகிறார் என்பதும், அவர் ஹீரோவாக நடித்த ’விடுதலை’ ’கருடன்’ ’கொட்டுக்காளி’ ஆகிய படங்கள் ரசிகர்கள் மத்தியில் நல்ல மதிப்பை பெற்றது என்பது தெரிந்தது. மேலும், வரும் 20ஆம் தேதி ’விடுதலை 2’ ரிலீஸ் ஆக இருக்கும் நிலையில், தற்போது சூரி இரண்டு படங்களில் ஹீரோவாக நடித்து வருகிறார்.

இந்த நிலையில், தொலைக்காட்சியில் ஒளிபரப்பான ’விலங்கு’ என்ற வெப் தொடர் இயக்கியதின் மூலம் பிரபலமான இயக்குனர் பிரசாந்த் பாண்டியன் இயக்கத்தில் உருவாகும் படத்தில், சூரி நாயகனாக நடிக்க உள்ளார். இந்த படத்தில் நாயகியாக ஐஸ்வர்யா லட்சுமி நடிக்க உள்ளார் என்பதும், இவர் ’பொன்னியின் செல்வன்’ திரைப்படத்தில் பூங்குழலி என்ற கேரக்டரில் நடித்திருந்தார் என்பதும் குறிப்பிடத்தக்கது.

லார்ஜ் ஸ்டுடியோஸ் என்ற நிறுவனத்தின் தயாரிப்பில் உருவாகும் இந்த படத்திற்கு ’மாமன்’ என்று டைட்டில் வைக்கப்பட்டுள்ளது. இன்று பூஜையுடன் இந்த படத்தின் படப்பிடிப்பு தொடங்கியது என்பது குறிப்பிடத்தக்கது. மேலும், இந்த படத்திற்கு ஹேஷம் அப்துல் வகாப் என்பவர் இசையமைக்க இருப்பதாகவும் அறிவிக்கப்பட்டுள்ளது.

Happy to announce my next film with #Vilangu fame Director @p_santh is titled #Maaman. The film kicked off with a special pooja ceremony today. Stay tuned for more updates on this promising project! ✨.

A @HeshamAWmusic Musical 🎶

Produced by @kumarkarupannan
of @larkstudios1… pic.twitter.com/edOqBMurtG

— Actor Soori (@sooriofficial) December 16, 2024