மணிரத்னம் இயக்கத்தில் உருவான ’பொன்னியின் செல்வன்’ படத்தின் இரண்டாம் பாகம் ஏப்ரல் 28ஆம் தேதி வெளியான நிலையில் இந்த படம் ஒரு மாதம் கழித்து அமேசான் ஓடிடியில் வெளியாகும் என்று கூறப்பட்டது. இந்த நிலையில் தற்போது வந்துள்ள தகவலின்படி ’பொன்னியின் செல்வன் 2’ படம் மே 26ஆம் தேதி முதல் அமேசான் பிரைமில் ஒளிபரப்பாகும் என்று தெரிகிறது.

ஆனால் அதே நேரத்தில் இந்த படத்தை மே 26 முதல் கட்டணம் கட்டி பார்க்க வேண்டிய வகையில் தான் ஒளிபரப்பாகும் என்றும் கூறப்படுகிறது. அமேசான் பிரைம் பயனாளிகள் ஜூன் 2ஆம் தேதி முதல் தான் இந்த படத்தை கூடுதல் கட்டணமின்றி பார்க்கலாம் என்றும் அதுவரை தனியாக கட்டணம் செலுத்தி தான் பார்க்க வேண்டும் என்றும் கூறப்பட்டுள்ளது.

இந்த தகவல் அமேசான் ப்ரைம் பயனாளிகளுக்கு ஒரு டிவிஸ்ட் தான். ஆனால் அதே நேரத்தில் இது குறித்த எந்தவிதமான அதிகாரப்பூர்வ தகவலையும் அமேசான் வெளியிடவில்லை என்பது குறிப்பிடத்தக்கது.

திரையரங்குகளில் வெளியாகி ரூ.400 கோடி வசூலை நோக்கி சென்று கொண்டிருக்கும் இந்த படம் இன்னும் பத்து நாட்களில் ஓடிடியில் வெளியாகும் என்று அறிவிப்பு ரசிகர்களுக்கு மகிழ்ச்சியை ஏற்படுத்தி உள்ளது.

விக்ரம், கார்த்தி, ஜெயம் ரவி, ஐஸ்வர்யா ராய், த்ரிஷா, விக்ரம் பிரபு, பிரபு, ஜெயராம், ஐஸ்வர்யா லட்சுமி, சரத்குமார், பார்த்திபன், பிரகாஷ்ராஜ், ரகுமான், கிஷோர், அஸ்வின், நிழல்கள் ரவி, ரியாஸ்கான், லால், மோகன் ராமன், பாலாஜி சக்திவேல் உள்பட பலர் நடித்துள்ள ‘பொன்னியின் செல்வன் 2’ படத்திற்கு இசைப்புயல் ஏ ஆர் ரகுமான் இசையமைத்துள்ளார்.