மணிரத்னம் இயக்கத்தில் உருவான ’பொன்னியின் செல்வன்’ திரைப்படம் நாளை உலகம் முழுவதும் தமிழ் உட்பட ஐந்து மொழிகளில் வெளியாக இருக்கும் நிலையில் அமெரிக்காவில் சிறப்பு காட்சிகள் இன்று இரவே வெளியாக இருப்பதாக தகவல் வெளியாகியுள்ளன

இந்த படத்தின் ரிலீஸ் பணிகள் அனைத்தும் பக்காவாக திட்டமிட்டு முடிக்கப்பட்டுள்ளதாகவும் அமெரிக்கா உட்பட வெளிநாட்டு திரையரங்குகளுக்கு KDM டெலிவரி செய்யப்பட்டுள்ளதாகவும் கூறப்படுகிறது. இதனை அடுத்து உலகம் முழுவதும் ஆயிரக்கணக்கான திரையரங்குகளில் திட்டமிட்டபடி ’பொன்னியின் செல்வன் 2’ படம் வெளியாகிறது என்பது குறிப்பிடத்தக்கது.

மேலும் அமெரிக்காவில் பிரீமியம் காட்சிகள் இன்று இரவு திரையிடப்பட உள்ளது என்றும் அதற்கான டிக்கெட் புக்கிங் பணிகளும் முடிந்து விட்டதாக கூறப்படுகிறது. தமிழகம் உள்பட இந்தியா முழுவதும் நாளை காலை ’பொன்னியின் செல்வன் 2’ திரைப்படம் வெளியாக இருப்பதை அடுத்து ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தி உள்ளது.

’பொன்னியின் செல்வன்’ முதல் பாகம் எதிர்பார்ப்பை விட பல மடங்கு இருந்ததால் இரண்டாம் பாகத்திற்கு உச்சகட்ட எதிர்பார்ப்பு ஏற்பட்டுள்ளது என்பதும் இந்த எதிர்பார்ப்பை இந்த படம் நிச்சயம் பூர்த்தி செய்யும் என்றும் கூறப்படுகிறது.

விக்ரம், கார்த்தி, ஜெயம் ரவி, ஐஸ்வர்யா ராய், த்ரிஷா, விக்ரம் பிரபு, பிரபு, ஜெயராம், ஐஸ்வர்யா லட்சுமி, சரத்குமார், பார்த்திபன், பிரகாஷ்ராஜ், ரகுமான், கிஷோர், அஸ்வின், நிழல்கள் ரவி, ரியாஸ்கான், லால், மோகன் ராமன், பாலாஜி சக்திவேல் உள்பட பலர் நடித்துள்ள ‘பொன்னியின் செல்வன் 2’ படத்திற்கு இசைப்புயல் ஏ ஆர் ரகுமான் இசையமைத்துள்ளார்.