வரும் 2017ஆம் ஆண்டு பொங்கல் தினம் தமிழ் சினிமா ரசிகர்களுக்கு பெரும் விருந்தளிக்கும் வகையில் இருக்கும் என்று எதிர்பார்க்கப்படுகிறது.

ஏற்கனவே இளையதளபதி விஜய் நடித்த 'பைரவா' மற்றும் சூர்யாவின் 'எஸ் 3' ஆகிய இரண்டு பெரிய பட்ஜெட் படங்கள் வரும் பொங்கல் தினத்தில் வெளியாகவுள்ளது. இது விஜய் மற்றும் சூர்யா ரசிகர்களுக்கான இனிப்பான பொங்கல் செய்தியாக உள்ள நிலையில் பொங்கல் ரேஸில் மேலும் சில படங்கள் தற்போது இணைந்துள்ளது.

ஜி.வி.பிரகாஷ் நடித்த 'புரூஸ்லீ' திரைப்படமும், 'கபாலி' புகழ் கலையரசன் நடித்த 'அதே கண்கள்' படமும் பொங்கல் தினத்தில் ரிலீஸ் ஆகும் என்பதை ஏற்கனவே அறிவித்தோம். இந்நிலையில் பெரும் எதிர்பார்ப்புக்குரிய மற்றொரு படமான அருண்விஜய் நடித்த 'குற்றம் 23' திரைப்படமும் தற்போது பொங்கல் ரேஸில் இணைந்துள்ளது. இதை உறுதி செய்யும் வகையில் இந்த படத்தின் புதிய போஸ்டர் ஒன்று தற்போது சமூக வலைத்தளங்களில் வெளியாகியுள்ளது.

பைரவா, எஸ் 3, புரூஸ்லி, அதேகண்கள், குற்றம் 23 ஆகிய படங்களுடன் காமெடி படமான 'எனக்கு வாய்த்த அடிமைகள்' படமும் பொங்கல் ரிலீஸ் படம் என்பது குறிப்பிடத்தக்கது.