சூப்பர் ஸ்டார் ரஜினிகாந்த் தான் அரசியல் கட்சி ஆரம்பித்து அரசியல் களத்தில் குதிக்கவுள்ளதாக சென்ற ஆண்டு டிசம்பர் 31ஆம் தேதி அறிவித்தார். அவருடைய அறிவிப்பு வெளிவந்து ஒரு வருடம் முடிய போகிறது. இருப்பினும் இன்னும் அவருடைய அரசியல் கட்சி அதிகாரபூர்வமாக அறிவிக்கப்படவில்லை. அவருக்கு பின் அரசியல் கட்சி ஆரம்பிக்கவிருப்பதாக அறிவித்த சில நடிகர்கள் களத்தில் இறங்கி செயல்பட்டு வருகின்றனர்.

இந்த நிலையில் ரஜினி அரசியலுக்கு வரமாட்டார் என்று ஒருசிலர் இன்னும் ஆணித்தரமாக கூறி வருகின்றனர். ஆனால் ரஜினியோ, அரசியல் கட்சி தொடங்கும் பணி 90% முடிந்துவிட்டதாகவும் விரைவில் அறிவிப்பு வரும் என்றும் சமீபத்தில் அளித்த பேட்டியில் கூறியுள்ளார்.

இந்த நிலையில் முன்னணி ஊடகம் ஒன்றுக்கு பேட்டியளித்த ரஜினிகாந்த் கூறியதாவது: அரசியல் மிகப்பெரிய, மிக ஆபத்தான விளையாட்டு. அதனால் அதை நான் கவனமுடன் விளையாட வேண்டும். நேரமும் மிக முக்கியம். அரசியல் மிகவும் சவாலான ஒன்று. எனக்கு பிடிக்கிறதோ இல்லையோ, சினிமாவில் என் நடிப்பிற்கு நான் ஊதியம் வாங்குகிறேன். ஆனால் அரசியல் அப்படி கிடையாது. பூக்கள் நிறைந்த பாதைகள் அல்ல அரசியல்! அதில் நான் நானாக இருப்பேன். ஒரு மாற்றத்தை உருவாக்க வேண்டும் என்பதே எனது விருப்பம்' என்று கூறியுள்ளார்.