கூத்தாடிகளை கொண்டாட வேண்டாம் என்று கூறிய அரசியல் கட்சி தலைவர், இதை சொல்வதால் விஜய் ரசிகர்கள் என்னை கல்லால் அடிக்கலாம் என்று கூறியிருப்பது பரபரப்பை ஏற்படுத்தி உள்ளது.

சென்னை அடையாறு அருகே நடந்த நிகழ்ச்சி ஒன்றில் தமிழக வாழ்வுரிமை கட்சியின் தலைவர் வேல்முருகன் கலந்து கொண்டு பேசிய போது சமீபத்தில் அரசியல் கட்சி ஆரம்பித்த விஜய் குறித்து சர்ச்சைக்குரிய வகையில் பேசி உள்ளார்.

நேற்று ஒரு கதாநாயகன் கட்சி ஆரம்பித்து உறுப்பினர்களை சேர்த்து வருகிறார், அவருடைய கட்சியின் பெயர் கூட எனக்கு தெரியாது, உறுப்பினர் சேர்க்கை நடந்து வரும் நிலையில் அவரது இணையதளமே முடங்கி விட்டதாக சொல்கிறார்கள். 50 லட்சம் பேர் உறுப்பினராக இணைந்து விட்டதாகவும் செய்திகள் வெளியாகி கொண்டிருக்கின்றன.

கூத்தாடிகளை கொண்டாடும் மனநிலை மாற வேண்டும். நான் பேசி சென்ற பிறகு என்ன விஜய் ரசிகர்கள் கல்லால் அடிக்க கூட வாய்ப்பு உண்டு, அவர்களெல்லாம் ரசிகர்கள், அதனால் அப்படி நடந்து கொள்ளட்டும், அதைப் பற்றி எனக்கு கவலை இல்லை’ என்று பேசி உள்ளார். விஜய் குறித்து அவர் பேசிய பேச்சு பெரும் பரபரப்பை ஏற்படுத்தி உள்ளது.