'పోలీసోడు' సెన్సార్ పూర్తి....
- IndiaGlitz, [Sunday,April 03 2016]
విజయ్, సమంత, ఎమీజాక్సన్ హీరో హీరోయిన్లుగా రాజా రాణి ఫేమ్ అట్లీ దర్శకత్వంలో రుపొందిన చిత్రం తెరి'. ఈ చిత్రాన్ని తెలుగులో శ్రీ వెంకటేశ్వర క్రియేషన్స్ బ్యానర్ పై దిల్ రాజు పోలీసోడు' అనే టైటిల్ తో విడుదల చేస్తున్నారు. యాక్షన్ ఎంటర్ టైనర్ గా రూపొందిన ఈ చిత్రాన్ని తెలుగు, తమిళంలో ఏప్రిల్ 14న విడుదల చేయాలని నిర్మాతలు ప్లాన్ చేస్తున్నారు.
అలాగే ఏప్రిల్ 6న ఆడియో విడుదల కానుంది. లెటెస్ట్ న్యూస్ ప్రకారం ఈ చిత్రం సెన్సార్ కార్యక్రమాలను పూర్తి చేసుకుని క్లీన్ యు సర్టిఫికేట్ ను సొంతం చేసుకుంది. తమిళంలో స్టార్ గా ఉన్న విజయ్ గత కొన్ని చిత్రాల నుండి తెలుగులో కూడా మార్కెట్ ను పెంచుకోవడానికి ప్రయత్నిస్తున్నాడు. మరి ఈ చిత్రం తెలుగులో విజయ్ కు ఎలాంటి క్రేజ్ ను తీసుకొస్తుందో చూడాలి.