கிரிக்கெட் வீரர் ஜடேஜா மனைவி மீது போலீஸ் சரமாரி தாக்குதல்
- IndiaGlitz, [Tuesday,May 22 2018]
சென்னை சூப்பர் கிங்ஸ் அணி மற்றும் இந்திய கிரிக்கெட் அணியின் நட்சத்திர கிரிக்கெட் வீரர் ஜடேஜா. இவருடைய மனைவி ரிவபா நேற்று தனது காரில் குழந்தையுடன் சென்று கொண்டிருந்தார். அப்போது அவரது கார், முன்னால் சென்று கொண்டிருந்த கான்ஸ்டபிள் சஞ்சய் என்பவரின் பைக் மீது எதிர்பாராதவிதமாக மோதியது.
இதனையடுத்து ரிவபா காரில் இருந்து கீழே இறங்கினார். தன் பைக் மீது ஜடேஜா மனைவி ரிவபா காரில் மோதியதால் ஆத்திரம் அடைந்த அந்த கான்ஸ்டபிள், ரிவபாவை கடுமையாக தாக்கினார். இந்த சம்பவத்தை பார்த்து கொண்டிருந்த அந்த பகுதி பொதுமக்கள் சஞ்சயை தடுத்து நிறுத்தினர். இதனால் ரிவபாவுக்கு காயங்கள் ஏற்பட்டது.
இந்த சம்பவம் குறித்து அறிந்த போலீஸ் உயரதிகாரிகள் உடனடியாக விரைந்து வந்து ஜடேஜா மனைவியை மருத்துவமனைக்கு அனுப்பி வைத்தனர். ஜடேஜா மனைவியை தாக்கிய சஞ்சய் மீது, பெண் மீது தாக்குதல் நடத்தியதாக வழக்குப்பதிவு செய்யப்பட்டுள்ளது. மேலும், அவர் மீது துறை ரீதியாக நடவடிக்கை எடுக்க விசாரணை மேற்கொள்ளப்பட்டு வருவதாகவும் போலீஸ் வட்டாரங்கள் தெரிவிக்கின்றன.
இந்த நிலையில் சென்னை சூப்பர் கிங்ஸ் அணி இன்று பிளே ஆப் சுற்றில் ஐதராபாத் அணியுடன் மோதுகிறது என்பது குறிப்பிடத்தக்கது.