மன்னிப்பு கேட்காவிட்டால் கைது செய்வோம்: தமிழ் நடிகருக்கு காவல்துறை எச்சரிக்கை
- IndiaGlitz, [Friday,August 28 2020]
கடந்த சில நாட்களுக்கு முன்னர் நடிகரும் பாஜக பிரமுகருமான எஸ்வி சேகர் தனது சமூக வலைதளப் பக்கத்தில் வெளியிட்ட வீடியோ ஒன்றில் தேசியக்கொடி குறித்து சர்ச்சைக்குரிய ஒரு கருத்தை தெரிவித்தார். மேலும் தமிழக முதல்வர் எடப்பாடி பழனிச்சாமி அவர்களின் புகழுக்கு இழுக்கு நேரும்படியும் ஒரு கருத்தை அவர் கூறியதாக தெரிகிறது.
இதுகுறித்து தொடரப்பட்ட வழக்கு ஒன்று சென்னை உயர்நீதிமன்றத்தில் நடைபெற்று வருகிறது. இந்த நிலையில் இன்று மீண்டும் இந்த வழக்கு விசாரணைக்கு வந்தபோது காவல்துறை தரப்பில் ஆஜரான வழக்கறிஞர் ’தேசிய கொடியை அவமதித்ததாக தொடரப்பட்ட வழக்கில் செப்டம்பர் 2-ஆம் தேதிக்குள் எஸ்வி சேகர் மன்னிப்பு கேட்காவிட்டால் அவரை கைது செய்வோம்’ என்று தெரிவித்தார். இதனை அடுத்து செப்டம்பர் 2ஆம் தேதி வரை எஸ்வி சேகருக்கு மன்னிப்பு கேட்க கால அவகாசம் அளிக்கப்பட்டுள்ளது என்பது குறிப்பிடத்தக்கது.
செப்டம்பர் 2-ஆம் தேதிக்குள் எஸ் வி சேகர் மன்னிப்பு கேட்டாரா? அல்லது கைது செய்யப்படுவாரா? என்பதை பொறுத்திருந்து பார்ப்போம்.