அண்ணா சாலையில் போலீஸ் தடியடி: போர்க்களமானது போராட்டம்
- IndiaGlitz, [Tuesday,April 10 2018]
சென்னை அண்ணா சாலையில் போலிசாரின் தடுப்புகளை உடைத்துவிட்டு போராட்டக்காரர்கள் வாலஜா சாலையில் நுழைய முயன்றதால் அந்த பகுதியே போர்க்களமாக காட்சி அளித்தது.
இந்த நிலையில் தடுப்புகளை உடைத்துவிட்டு சேப்பாக்கம் மைதானம் நோக்கி சென்ற போராட்டக்காரர்கள் மீது போலீசார் தடியடி நடத்தினர். இதனால் அந்த பகுதி முழுவதும் போர்க்களம் போல் காணப்படுகிறது. போலீசாரின் தடியடி காரணமாக போராட்டக்காரர்கள் நாலாபுறமும் சிதறி ஓடினர்.
இந்த நிலையில் இந்த தடியடி சம்பவத்தில் நாம் தமிழர் கட்சி உறுப்பினர் ஒருவர் பலத்த காயம் அடைந்ததால் அவருக்கு மயக்கம் ஏற்பட்டுள்ளது. அவரை மற்ற தொண்டர்கள் மருத்துவமனைக்கு அழைத்து சென்றனர்
இந்த நிலையில் போலீஸ் தடியடிக்கு நீதி கேட்காமல் போக மாட்டோம் என பாரதிராஜா தர்ணா போராட்டத்தில் ஈடுபட்டுள்ளதால் பெரும் பரபரப்பு ஏற்பட்டுள்ளது.