நடிகர் விமல் மீது வழக்குப்பதிவு: பிரபல நடிகரை தாக்கியதாக புகார்
- IndiaGlitz, [Monday,March 11 2019]
நடிகர் விமல் பிரபல கன்னட நடிகர் ஒருவரை தாக்கியதாக கூறப்பட புகாரின் அடிப்படையில் அவர் மீது விருகம்பாக்கம் காவல்துறையினர் வழக்குப்பதிவு செய்துள்ளனர்.
விமல் தனது நண்பர்களுடன் விருகம்பாக்கம் அருகே விடுதி ஒன்றில் நண்பர்களுடன் தங்கியிருந்துள்ளார். அதே விடுதியில் கன்னட நடிகர் அபிஷேக் தங்கியிருந்தார். நேற்றுமுன் தின இரவில் இரு தரப்பினர்களுக்கு வாய்த்தகராறு ஏற்பட்டு பின்னர் அது தாக்குதலில் முடிந்துள்ளது. இதுகுறித்து அபிஷேக் தரப்பில் இருந்து காவல்நிலையத்தில் புகார் அளிக்கபப்ட்டது.
இந்த நிலையில் விடுதியில் உள்ள சிசிடிவி கேமிராவில் பதிந்துள்ள வீடியோவின் அடிப்படையில் விமல் மற்றும் அவரது நண்பர்கள் உட்பட 4 பேர் மீது வழக்குப் பதிவு செய்யப்பட்டுள்ளதாக காவல்துறை தெரிவித்துள்ளனர். அதேபோல் அளித்த புகார் மீதும் போலீசார் விசாரணை செய்து வருகின்றனர்.