అన‌సూయ‌ను అభినందించిన పోలీసులు
- IndiaGlitz, [Friday,May 15 2020]
జ‌బ‌ర్‌ద‌స్త్ ప్రోగామ్‌తో పాపులారిటీ సంపాదించుకున్న యాంక‌ర్ అన‌సూయ భ‌ర‌ద్వాజ్ పుట్టిన‌రోజు నేడు(మే 15). ఈ సంద‌ర్భంగా అన‌సూయ కీస‌ర మండ‌లంలోని ప‌లువురు గ‌ర్భిణీల‌కు న్యూటిష‌న్ కిట్ల‌ను పంపిణీ చేశారు. ఈ కార్య‌క్ర‌మంలో ఆమెతో పాటు ఆమె భ‌ర్త సుశాంక్ భ‌ర‌ద్వాజ్ కూడా పాల్గొన్నారు. ఈ సంద‌ర్భంగా గ‌ర్భిణుల‌కు న్యూటిష‌న్ కిట్ల‌ను అంద‌జేయ‌డం త‌న‌కు ఎంతో ఆనందానిచ్చింద‌ని అన‌సూయ తెలిపారు. గ‌ర్భిణుల‌కు ప్ర‌స్తుత ప‌రిస్థితుల్లో స‌మ‌ర్ధ‌వంతమైన పోష‌కాలు అందించ‌డానికి వారిలో ధైర్యాన్ని నింప‌డానికి తాము ఈ కార్యాన్ని చేప‌ట్టిన‌ట్లు చెప్ప‌డ‌మే కాకుండా ఈ కార్య‌క్ర‌మంలో పాల్గొన్న అన‌సూయ‌ను రాచకొండ పోలీసులు అభినందించారు.
రాచకొండ క‌మీష‌న‌ర్ ఆఫ్ పోలీస్ మ‌హేశ్ భ‌గ‌వ‌త్ అన‌సూయ‌ను అభినందించారు. గ‌ర్భిణులు ఆరోగ్య‌క‌ర‌మైన ఆహారాన్ని తీసుకోవాల‌ని, ఏదైనా స‌హాయం కావాల‌ని కోవిడ్ కంట్రోల్ నెంబ‌ర్‌ను కాంటాక్ట్ చేయాల‌ని కోరారు. సోష‌ల్ మీడియాలో ప‌లువురు అన‌సూయ‌కు పుట్టిన‌రోజు శుభాకాంక్ష‌లు తెలిపారు. అలాగే అన‌సూయ బుల్లితెర నుండి వెండితెర‌పై కూడా అడుగు పెట్టారు. ప‌లు చిత్రాల్లో కీల‌క పాత్ర‌లు, స్పెష‌ల్ సాంగ్స్‌లో న‌టించారు. అన‌సూయ న‌టించిన చిత్రాల్లో క్ష‌ణం, రంగ‌స్థ‌లం సినిమాల్లో అన‌సూయ పోషించిన పాత్ర‌ల‌కు చాలా మంచి పేరు వ‌చ్చింది. ఇప్పుడు ద‌ర్శ‌క నిర్మాత‌లు అన‌సూయ‌ను దృష్టిలో పెట్టుకుని పాత్ర‌ల‌ను క్రియేట్ చేస్తున్నారు.