சூப்பர் ஸ்டார் ரஜினிகாந்த் இன்று தனது 70 ஆவது பிறந்தநாளை கொண்டாடி வரும் நிலையில் அவரது ரசிகர்கள் இன்று அதிகாலையே போயஸ் கார்டனில் உள்ள ரஜினி வீட்டின் அருகே கேக் வெட்டி பிறந்த நாளை கொண்டாடினார்கள்

சூப்பர் ஸ்டார் ரஜினிக்கு அரசியல் தலைவர்கள், திரையுலக பிரபலங்கள் உள்பட பலர் பிறந்தநாள் வாழ்த்துக்களை தெரிவித்து வருகின்றனர். அந்த வகையில் பாரத பிரதமர் நரேந்திர மோடி சூப்பர் ஸ்டார் ரஜினிக்கு தனது பிறந்தநாளை தெரிவித்துள்ளார். நீண்ட ஆயுளுடன் நல்ல ஆரோக்கியமான வாழ்வை பெற வேண்டும் என்று பிரதமர் மோடி தனது டுவிட்டரில் குறிப்பிட்டுள்ளார்

அதேபோல் துணை முதல்வர் ஓபிஎஸ் அவர்களும் தனது பிறந்தநாள் வாழ்த்துக்களை ரஜினிக்கு தெரிவித்துள்ளார். அவர் தனது பிறந்த நாள் வாழ்த்து செய்தியில், ‘தனது அயராத உழைப்பாலும், அபாரத் திறமையாலும் தமிழ்த் திரையுலகில் தனி முத்திரை பதித்து சூப்பர் ஸ்டாராக கோலோச்சி வரும் ரஜினிகாந்த் அவர்கள் மகிழ்ச்சியுடனும், நல்ல ஆரோக்யத்துடனும், நீண்ட ஆயுளுடனும் வாழ எனது இதயமார்ந்த பிறந்தநாள் வாழ்த்துகளை அன்போடு தெரிவித்துக் கொள்கிறேன்’ என்று கூறியுள்ளார்.