மணப்பாறை அருகே நடுக்காட்டுப்பட்டி என்ற கிராமத்தை சேர்ந்த 2 வயது சிறுவன் சுர்ஜித் ஆழ்துளை கிணற்றில் விழுந்து உள்ள நிலையில் அந்த சிறுவன் சுர்ஜித்தை மீட்க கடந்த இரண்டு நாட்களாக மீட்பு குழுவினர் தீவிரமாக ஈடுபட்டு வருகின்றனர்.

இந்த நிலையில் சுர்ஜித் நிலை என்ன? என்பது குறித்து பிரதமர் மோடி அவர்கள் தமிழக முதலமைச்சர் எடப்பாடி பழனிச்சாமி அவர்களுக்கு தொலைபேசி மூலம் கேட்டறிந்ததாக செய்திகள் வெளிவந்துள்ளது.

குழந்தை சுர்ஜித் மீட்பு குறித்து முதலமைச்சரிடம் அவர் விவரங்களை கேட்டறிந்து அந்த சிறுவனை நலமுடன் மீட்க எடுக்கப்படும் நடவடிக்கைகளை உறுதி செய்ய பிரதமர் வலியுறுத்தியதாக தகவல்கள் வெளிவந்துள்ளது.

அதேபோல் துணை முதல்வர் ஓ பன்னீர்செல்வம் அவர்களுக்கு போன் செய்த சூப்பர் ஸ்டார் ரஜினிகாந்த் மனைவி லதா ரஜினிகாந்த் அவர்கள், குழந்தை மீட்பு பணி எப்படி நடைபெறுகிறது? குழந்தை எப்பொழுது மீட்கப்படுவான்? போன்ற விவரங்களை கேட்டு அறிந்தததாகவும் தகவல்கள் வெளிவந்துள்ளது.