சூப்பர் ஸ்டார் ரஜினிகாந்த் அவர்களுக்கு பிரதமர் மோடி மற்றும் முதல்வர் சந்திரபாபு நாயுடு ஆகிய இருவரது பதவியேற்பு விழாவிற்கு அழைப்பு விடுக்கப்பட்டு உள்ளதாகவும் இரண்டு விழாவுக்கும் அவர் செல்வாரா என்பது நாளை தெரியவரும் என்றும் கூறப்படுகிறது.

சமீபத்தில் நடந்த நாடாளுமன்ற தேர்தலில் தேசிய ஜனநாயக கூட்டணி வெற்றி பெற்று ஆட்சி அமைப்பது உறுதி செய்யப்பட்டுள்ள நிலையில் நாளை மறுநாள் பிரதமராக மீண்டும் மோடி பதவி ஏற்க இருப்பதாகவும் டெல்லியில் விழா ஏற்பாடுகள் நடைபெற்று வருவதாகவும் கூறப்படுகிறது.

மூன்றாவது முறையாக மோடி பிரதமராக பதவியேற்கும் விழாவில் அரசியல் பிரபலங்கள், திரையுலக பிரபலங்கள், விளையாட்டு பிரபலங்கள், தொழில் அதிபர்கள் உட்பட பலருக்கும் அழைப்பிதழ் வழங்கப்பட்டுள்ளதாக கூறப்படுகிறது..

இந்த நிலையில் பிரதமர் மோடி பதவியேற்பு விழாவில் கலந்து கொள்ள சூப்பர் ஸ்டார் ரஜினிகாந்துக்கு அழைப்பு விடுக்கப்பட்டு உள்ளதாகவும் அவர் இந்த விழாவிற்கு செல்வாரா? என்பது நாளை உறுதி செய்யப்படும் என்றும் கூறப்படுகிறது.

அதேபோல் ஜூன் 12ஆம் தேதி ஆந்திராவில் சந்திரபாபு நாயுடு முதல்வராக பதவியேற்கும் விழா நடைபெற உள்ளது. சந்திரபாபு நாயுடுவின் நெருங்கிய நண்பர் ரஜினிகாந்த் என்பதால் அவர் இந்த விழாவில் கலந்து கொள்வது கிட்டத்தட்ட உறுதி செய்யப்பட்டுள்ளதாக கூறப்படுகிறது.