’Kanche’ Movie Gallery

చిరంజీవి నుంచి సాయిధ‌ర‌మ్ తేజ్ వ‌ర‌కు మెగా ఫ్యామిలిలో ఓ సెంటిమెంట్ బ‌లంగా పెరుగుతోంది. అదేమిటంటే.. ఆ కుటుంబ హీరోల రెండో చిత్రాలు మంచి విజ‌యాలు సాధిస్తాయ‌న్న‌ది. చిరంజీవి నుంచి వచ్చిన రెండో చిత్రం 'మ‌న‌వూరి పాండ‌వులు' మంచి హిట్ అయితే.. ప‌వ‌న్ క‌ళ్యాణ్ సెకండ్ ఫిల్మ్ 'గోకులంలో సీత' కూడా క‌మ‌ర్షియ‌ల్‌గా ఓకే అనిపించుకుంది. ఇక అల్లు అర్జున్ ద్వితీయ ప్ర‌య‌త్నం 'ఆర్య' గురించి.. రామ్‌చ‌ర‌ణ్ రెండో సినిమా 'మ‌గ‌ధీర' గురించి ప్ర‌త్యేకంగా చెప్ప‌క్క‌ర్లేదు.

అలాగే అల్లు శిరీష్ సెకండ్ ఫిల్మ్ 'కొత్త జంట' కూడా పాస్ మార్కులు వేయించుకుంది. సాయిధ‌ర‌మ్ తేజ్ రెండోసినిమా 'పిల్లా నువ్వు లేని జీవితం' ('రేయ్' లేట్‌గా వ‌చ్చినా .. సాయి ఫ‌స్ట్ ఫిల్మ్ కిందే తీసుకోవాలి)ది హిట్ క‌థే. ఈ నేప‌థ్యంలో ఆ ఫ్యామిలీకి చెందిన లేటెస్ట్ హీరో వ‌రుణ్ తేజ్ కూడా సెకండ్ ఫిల్మ్ 'కంచె'తో ఆ లిస్ట్‌లో చేర‌తాడ‌ని ఇన్‌సైడ్ సోర్స్ బ‌లంగా చెబుతోంది. మొత్తానికి ద‌స‌రా స్పెష‌ల్ గా రానున్న 'కంచె'కి ఈ అంశం కూడా ఓ ప్ల‌స్‌గా మారే అవ‌కాశం ఉంది.