స‌క్సెస్ రేట్ ఎక్కువ‌గా ఉన్న ఈ త‌రం క‌థానాయిక‌ల్లో స‌మంత మొద‌టి స్థానంలో ఉంటుంద‌న‌డంలో ఎలాంటి అతిశ‌యోక్తి లేదు. ఇక ఈ స‌మ్మ‌ర్‌లో స‌మంత హీరోయిన్‌గా వ‌చ్చిన మూడు సినిమాలు కూడా మంచి విజ‌యం సాధించి ఈ విష‌యాన్ని మ‌రోసారి ఫ్రూవ్ చేశాయి. ఇదిలా ఉంటే.. ప్రస్తుతం ఆమె కన్నడ రీమేక్ ఫిల్మ్ ‘యూ టర్న్’లో విలేకరి పాత్రలో న‌టిస్తున్నారు. ఇంతకు ముందు కూడా స‌మంత‌ రెండు రీమేక్ చిత్రాలను చేసి విజయాలను అందుకున్నారు.

ఆ వివరాల్లోకి వెళితే.. త్రివిక్రమ్ శ్రీనివాస్ దర్శకత్వంలో రూపొందిన ‘అఆ’ (2016) సినిమా 1973 నాటి ‘మీనా’ సినిమాకి రీమేక్ కాగా.. మలయాళం సినిమా ‘ప్రేతమ్’కి రీమేక్‌గా ‘రాజు గారి గది 2’ (2017) రూపొందింది. ఇలా వరుస సంవత్సరాల్లో రీమేక్‌లుగా వచ్చిన ఈ రెండు సినిమాలు మంచి విజయాన్ని అందించాయి. ఈ నేప‌థ్యంలో.. ప్రస్తుతం చేస్తున్న కన్నడ రీమేక్ ఫిల్మ్ ‘యూ టర్న్’ కూడా విజ‌యం సాధిస్తుందేమో చూడాలి. కాగా.. ఈ సినిమా ఈ ఏడాది ద్వితీయార్థంలో ప్రేక్షకుల ముందుకు రానుంది.