బ్యాంకాక్ నేప‌థ్యంలో 'ప్లేయ‌ర్‌'
- IndiaGlitz, [Saturday,September 19 2015]
ట్రిపులెక్స్ సోప్ యాడ్ ద్వారా న‌టుడిగా ప‌రిచ‌య‌మైన ప‌ర్వీణ్ రాజ్ ఇప్పుడు హీరోగా తెలుగు తెర‌కు ప‌రిచ‌యం కానున్నారు. డ్రీమ్ మ‌ర్చంట్స్ నిర్మాణ సార‌థ్యంలో య‌మున కిషోర్‌, జ‌గ‌దీష్ కుమార్ కాళ్ళూరి నిర్మాత‌లు. జ్ఞాన సాగ‌ర్ ద‌ర్శ‌కుడు. ఆయ‌న మాట్లాడుతూ ''బ్యాంకాక్ నేప‌థ్యంలో కొత్త‌గా రూపొందిన థ్రిల్ల‌ర్ ఇది. ఈ సినిమాలోఓ నాగినీడు ప్రొఫెస‌ర్ గా క‌నిపిస్తారు. ఆయ‌న పాత్ర ఈ సినిమాకు ప్ర‌ధాన ఆక‌ర్ష‌ణ. ఎన్నో సినిమాలు అనుభ‌వం ఉన్న న‌టుడిలా ఈ సినిమా ప‌ర్వీణ్ రాజ్ చేయడం యూనిట్ అంద‌రికీ ఆశ్చ‌ర్యాన్ని క‌లిగించింది. మంచి క‌థ‌తో వ‌స్తే తెలుగు ప్రేక్ష‌కులు ఆద‌రిస్తార‌నే న‌మ్మకంతో ఈ సినిమాను చేశాం'' అని అన్నారు.
చిత్ర నిర్మాత‌లు య‌మున కిషోర్‌, జ‌గ‌దీష్ కుమార్ కాళ్ళూరి మాట్లాడుతూ ''క‌థ‌కి త‌గ్గ‌ట్టుగా ప‌ర్వీణ్ రాజ్‌ని ఎంచుకుని ఈ సినిమా చేయడం జ‌రిగింది. కొత్త ద‌ర్శ‌కుడైనా జ్ఞానసాగర్ ప్ర‌తీ స‌న్నివేశాన్ని ఎంతో అద్భుతంగా తీశారు. బ్యాంకాక్ బ్యాక్‌డ్రాప్‌తో కూడిన క‌థ కావ‌డంతో 95 శాతం షూటింగ్ బ్యాంకాక్‌లోనే షూటింగ్ చేయడం జ‌రిగింది. ఈ సినిమాలో హీరోకి త‌ల్లిగా సీత న‌టించ‌డం జ‌రిగింది. అక్టోబ‌ర్‌లో చిత్రాన్ని విడుద‌ల చేయ‌బోతున్నాం'' అన్నారు.
ప‌ర్వీణ్ రాజ్, నాగినీడు, సీత, షాహి హాందీ, చాణిక్య సాయి, తిరు, అప్పాజీ అంబ‌రీష్ త‌దిత‌రులు ఇత‌ర పాత్ర‌ధారులు. ఈ సినిమాకు ఎడిటింగ్‌: విన‌య్ రామ‌స్వామి, కెమెరా: సురేష్‌.ఎస్‌., సంగీతం: ర‌జీష్ ర‌ఘునాథ్‌, నిర్మాత‌లు: య‌మున కిశోర్‌, జ‌గ‌దీష్ కుమార్ కాళ్ళూరి, ర‌చ‌న, ద‌ర్శ‌క‌త్వం: జ్ఞానసాగర్.