మంచు విష్ణు హీరోగా శ్రీనువైట్ల దర్శకత్వంలో రూపొందిన కమర్షియల్ ఎంట‌ర్‌టైన‌ర్ ‘ఢీ’. విష్ణుకు తొలిసారి బ్రేక్ దక్కిన చిత్రమిది. తర్వాత వీరిద్దరి కాంబినేషన్‌లో సినిమా రాలేదు. అయితే కొన్ని నెల‌ల నుండి వీరిద్ద‌రి కాంబినేష‌న్‌లో ఢీ సీక్వెల్‌గా ఢీ2 రూపొంద‌నుంద‌ని వార్త‌లు వినిపించాయి. ఈ వార్త‌ల‌పై అటు విష్ణు, ఇటు శ్రీనువైట్ల ఎక్క‌డా క‌న్‌ఫ‌ర్మ్‌గా ప్ర‌స్తావించ‌లేదు. అయితే తాజా స‌మాచారం మేర‌కు శ్రీనువైట్ల ఢీ సీక్వెల్‌కు సంబంధించిన స్క్రిప్ట్‌ను సిద్ధం చేశాడ‌ట‌. ఈ సీక్వెల్‌కు ఢీ2 అంటే.. డేరింగ్ అండ్ డాషింగ్ అనే టైటిల్‌ను పెట్టే ఆలోచ‌న‌లో ఉన్నార‌ని వార్త‌లు విన‌ప‌డుతున్నాయి.

మ‌రి ఈ సీక్వెల్‌కు పాత క‌థ‌కు లింకై ఉంటుందా? లేక కొత్త క‌థ‌తో ప్రారంభ‌మ‌వుతుందా? అని చూడాలి. ప్ర‌స్తుతం మంచు విష్ణు హీరోగా న‌టిస్తూ త‌న బ్యాన‌ర్‌లో మోస‌గాళ్లు అనే చిత్రాన్ని నిర్మిస్తోన్న సంగ‌తి తెలిసిందే. ఈ సినిమా చిత్రీక‌ర‌ణ తుది ద‌శ‌కు చేరుకుంది. క‌రోనా ఎఫెక్ట్ త‌గ్గి లాక్‌డౌన్ ఎత్తేసి షూటింగ్స్‌కు అనుమ‌తులు ఇచ్చాక ఈ సినిమా షూటింగ్ స్టార్ట్ అవుతుంద‌ని అంటున్నారు. కాజ‌ల్ కీల‌క పాత్ర‌లో న‌టిస్తుంది. సునీల్ శెట్టి ప్ర‌తినాయ‌కుడు న‌టిస్తున్నాడు. అతి పెద్ద ఐటీ స్కామ్ ఆధారంగా చేసుకుని ఈ సినిమాను తెరకెక్కిస్తున్నారు.,