தமிழ் திரையுலகில் ஒரு 4ஆம் பாக திரைப்படம்.. பிரபல நடிகரின் மகன் தான் ஹீரோ..!
- IndiaGlitz, [Sunday,December 31 2023]
தமிழ் திரை உலகில் இரண்டாம் பாக திரைப்படம் என்பது அதிகமாக தயாராகி வருகிறது என்பதை பார்த்து வருகிறோம். ‘சிங்கம்’ உள்பட ஒரு சில படங்கள் மூன்றாம் பாகமாகவும் வந்துள்ளது. ஆனால் தமிழ் திரை உலகில் நான்காம் பாகமாக ஒரு திரைப்படம் உருவாக இருப்பதாகவும் இந்த படத்தில் பிரபல நடிகரின் மகன் ஹீரோவாக நடிக்க இருப்பதாகவும் தகவல் வெளியாகி உள்ளது.
கார்த்திக் சுப்புராஜ் இயக்கத்தில் உருவான ’பீட்சா’ என்ற திரைப்படம் கடந்த 2012 ஆம் ஆண்டு வெளியானது. இதனை அடுத்து 2013 ஆம் ஆண்டு ’பீட்சா’ இரண்டாம் பாகமும் ’பீட்சா’ 3ஆம் பாகம் 2023ஆம் ஆண்டில் வெளியானது.
இந்த நிலையில் ’பீட்சா’ படத்தின் நான்காம் பாகம் உருவாக இருப்பதாக தகவல் கசிந்து உள்ளது. இந்த படத்தில் பிரபல நடிகர் நாசரின் மகன் அபிஹாசன் ஹீரோவாக நடிக்க இருப்பதாக தெரிகிறது. ஏற்கனவே இவர் ‘கடாரம் கொண்டான்’ ’சில நேரங்களில் சில மனிதர்கள்’ உட்பட ஒரு சில படங்களில் நடித்துள்ளார் என்பது குறிப்பிடத்தக்கது.
‘சூது கவ்வும்’ படத்தின் இரண்டாம் பாகத்தை இயக்கிய எஸ்.ஜே அர்ஜுன் தான் ’பீட்சா’ படத்தின் 4ஆம் பாகத்தை இயக்க இருப்பதாகவும் இந்த படம் குறித்த அதிகாரபூர்வ அறிவிப்பு விரைவில் வெளியாகும் என்றும் கூறப்படுகிறது.