திருமணம் குறித்து நடிகை சாட்னா டைடஸ் விளக்கம்
- IndiaGlitz, [Saturday,September 17 2016]
விஜய் ஆண்டனி நடித்த வெற்றி படமான 'பிச்சைக்காரன்' படத்தில் நாயகியாக நடித்த நடிகை சாட்னா டைடஸ் கடந்த வாரம் பிரபல விநியோகிஸ்தர் கார்த்திக்கை திருமணம் செய்து கொண்டதாக செய்திகள் வெளிவந்துள்ளது.
இந்நிலையில் இதுகுறித்து கார்த்தி-சாட்னா டைடஸ் ஆகியோர் விளக்க அறிக்கை ஒன்றை பத்திரிகையாளர்களுக்கு வெளியிட்டுள்ளனர். அந்த அறிக்கையில் கூறியிருப்பதாவது:
கார்த்திக், சாட்னா டைடஸ் ஆகிய நாங்கள் இருவரும் மனதார காதலித்து இருவரின் பரிபூரண சம்மதத்துடன் பதிவு திருமணம் செய்து கொண்டோம்.
வரும் ஜனவரி 2017ல் எங்கள் இரு குடும்பங்களும் சுற்றமும் நட்புறவுகளும் கூட பெருமதிற்பிபுக்குரிய பத்திரிகையாளர்கள் உங்கள் ஆதரவுடன் பிரமாண்டமான முறையில் எங்கள் திருமணம் நடைபெறும் என்பதை மகிழ்ச்சியுடன் தெரிவித்துக் கொள்கிறோம்.
என்றென்றும் உங்களின் அன்பையும், ஆதரவையும், அரவணைப்பையும் கோரும் கார்த்தி-டைடஸ்
இவ்வாறு அந்த அறிக்கையில் குறிப்பிடப்பட்டுள்ளது.