மும்பையில் உணவகம் ஒன்றில் சாப்பிட்டு கொண்டிருந்த ஒருவரின் சட்டைப்பையில் இருந்த செல்போன் திடீரென வெடித்து சிதறிய சிசிடிவி வீடியோ காட்சி இணையதளங்களில் வைரலாகி வருகிறது.

மகாராஷ்டிர மாநில தலைநகர் மும்பையில் தனியார் உணவு விடுதி ஒன்றில் உணவு அருந்தி கொண்டிருந்த ஒருவரின் சட்டைப்பையில் இருந்து செல்போன் திடீரென வெடித்து சிதறியது. இதனால் அதிர்ச்சி அடைந்த அவருக்கு பக்கத்தில் உட்கார்ந்து உணவு அருந்தி கொண்டிருந்தவர்கள் அலறி அடித்தவாறு வெளியே ஓடினர்.

பின்னர் அந்த நபர் சுதாரித்து செல்போனை சட்டைப்பையில் இருந்து வெளியே எடுத்து தூக்கி கீழே போட்டார். இதனால் அவர் சிறிய காயத்துடன் உயிர் தப்பினார். இந்த காட்சி அந்த உணவகத்தில் இருந்த சிசிடிவி கேமிராவில் பதிவாகியுள்ளது. இந்த வீடியோ தற்போது இணையதளங்களிலும் சமூக வலைத்தளங்களிலும் மிக வேகமாக வைரலாகி வருகிறது.