சூப்பர் ஸ்டார் ரஜினிகாந்த் நடித்த 'பேட்ட' திரைப்படம் வரும் பொங்கல் விருந்தாக உலகம் முழுவதும் பிரமாண்டமாக வெளியாகவுள்ள நிலையில் இந்த படம் சமீபத்தில் 'யூஏ' சான்றிதழை சென்சாரிடம் இருந்து பெற்றது. இந்த நிலையில் தற்போது இந்த படத்தின் ரன்னிங் டைம் குறித்த தகவல் வெளிவந்துள்ளது.

இந்த படத்தின் வெளிநாட்டு உரிமையை பெற்ற நிறுவனத்தின் தகவலின்படி இந்த படம் 172 நிமிடங்கள் அதாவது 2 மணி நேரம் 52 நிமிடங்கள் ரன்னிங் டைம் கொண்ட படமாக உள்ளதாக கூறப்படுகிறது. படத்தின் நீளம் கொஞ்சம் அதிகம் என்றாலும் ரஜினியை ரசிக்கும் வகையில் கார்த்திக் சுப்புராஜ் படமாக்கியிருப்பார் என்று எதிர்பார்க்கப்படுவதால் நீளமான ரன்னிங் டைம் பிளஸ்ஸாகவே இருக்க வாய்ப்பு உள்ளது.

மேலும் தமிழகம் தவிர மற்ற மாநில உரிமைகளை பெற்ற விநியோகிஸ்தர்களின் தகவலின்படி இந்த படம் ஜனவரி 10ஆம் தேதி ரிலீஸ் ஆகும் என தெரிகிறது. இதுகுறித்த அதிகாரபூர்வ அறிவிப்பு இன்னும் ஒருசில நாட்களில் வெளிவரவுள்ளது.