சூப்பர் ஸ்டார் ரஜினிகாந்த் நடித்த 'பேட்ட' மற்றும் தல அஜித் நடித்த 'விஸ்வாசம்' ஆகிய இரண்டு திரைப்படங்களும் வரும் ஜனவரி 10ஆம் தேதி ரிலீஸ் ஆகவுள்ளது என்பது கிட்டத்தட்ட உறுதியாகிவிட்டது. சம்பந்தப்பட்ட தயாரிப்பு நிறுவனங்கள் ரிலீஸ் தேதியை அதிகாரபூர்வமாக அறிவிக்கவேண்டியது ஒன்றுதான் பாக்கி

இந்த நிலையில் சமீபத்தில் வெளியான சூப்பர் ஹிட் படமான 'கனா' படத்தில் தனது முழு திறமையையும் நிரூபித்த நடிகை ஐஸ்வர்யா ராஜேஷ், தனது சமூக வலைத்தள பக்கத்தில் 'ஜனவரி 10' என்ற ஒரே ஒரு வார்த்தையை மட்டும் பதிவு செய்துள்ளார்.

பேட்ட' மற்றும் 'விஸ்வாசம்' படத்தின் ரிலீஸ் தேதியை அவர் குறிப்பிடுவதாக பெரும்பாலான ரசிகர்கள் இதுகுறித்து பதிவு செய்து வரும் நிலையில் அதே ஜனவரி 10 தான் ஐஸ்வர்யா ராஜேஷின் பிறந்த நாள் என்பதும் அதைத்தான் அவர் மறைமுகமாக குறிப்பிட்டிருப்பார் என்றும் கூறப்படுகிறது. எனவே ஜனவரி 10ஆம் தேதி 'பேட்ட', விஸ்வாசம் கொண்டாட்டத்தோடு ஐஸ்வர்யா ராஜேஷின் பிறந்த நாள் கொண்டாட்டமும் சமூக வலைத்தளங்களில் ஜோராக இருக்கும் என்பது குறிப்பிடத்தக்கது.