ரஜினியின் 'பேட்ட': இன்று மாலை 6 மணிக்கு மாஸ் அறிவிப்பு
- IndiaGlitz, [Tuesday,December 04 2018]
சூப்பர் ஸ்டார் ரஜினியின் 'பேட்ட' திரைப்படத்தின் மரணமாஸ் தலைவர் குத்து பாடல் நேற்று மாலை வெளியாகி இணையதளங்களை ஸ்தம்பிக்க வைத்தது. அனிருத் இசையில் உருவான இந்த குத்து பாடல் 'பாட்ஷாவின் 'ஆட்டோக்காரன்' பாடலை அடுத்து பட்டிதொட்டியெங்கும் வைரலாகி வருகிறது.
இந்த நிலையில் இன்று மாலை இந்த படம் குறித்த ஒரு மாஸ் அறிவிப்பு வரவுள்ளது. இந்த படத்தில் வில்லன் கேரக்டரில் நடித்திருப்பதாக கூறப்படும் மக்கள் செல்வன் விஜய்சேதுபதியின் கேரக்டர் பெயர் மற்றும் தோற்றம் குறித்த போஸ்டர் வெளிவரவுள்ளது. இதனையடுத்து விஜய்சேதுபதி ரசிகர்கள் உற்சாகமாகியுள்ளனர்.
வரும் பொங்கல் தினத்தில் வெளியாகும் 'பேட்ட' படத்தில் ரஜினிகாந்த், சிம்ரன், த்ரிஷா, விஜய்சேதுபதி, நவாசுதீன் சித்திக், பாபி சிம்ஹா, மேகா ஆகாஷ், சசிகுமார் உள்ளிட்ட பலர் நடித்துள்ளனர் சன் பிக்சர்ஸ் நிறுவனம் இந்த படத்தை தயாரித்துள்ளது.